Qańtar-tamyz aralyǵynda 263,8 myń adam dúnıege kelgen.
Statısıka búrosynyń málimetinshe, jyl basynan beri halyq sany 163,7 myń adamǵa kóbeıdi, dep habarlaıdy Almaty-akshamy.kz
2022 jylǵy 1 qyrkúıektegi jaǵdaı boıynsha, qazaqstandyqtardyń sany 19 mıllıon 666 myń 800 adam boldy. Bul rette 12 mln 131 myń 100 adam (61,7%) qalada, 7 mln 535 myń 700 adam (38,3%) aýyldyq jerde turady.
Respýblıka halqynyń tabıǵı ósimi 8 aıda ótken jyldyń sáıkes kezeńimen salystyrǵanda 3,6% tómendep, 172,4 myń adam boldy.
AHAJ málimetteri boıynsha, qańtar-tamyzda Qazaqstanda 263,8 myń adam dúnıege kelgen. Bul 2021 jyldyń sáıkes kezeńimen salystyrǵanda 11% az. 1000 adamǵa shaqqandaǵy týýdyń jalpy koefısıenti 20,19 týyldy.
Sonymen qatar 91,4 myń adam qaıtys boldy. Bul ótken jyldyń qańtar-tamyz aılarymen salystyrǵanda 22,3% az. Jalpy ólim kórsetkishi 1000 adamǵa shaqqanda 7 ólim boldy.
Sábı ólimine kelsek, ol da 5,8% tómendedi. Óıtkeni respýblıkada 2208 náreste ólimi tirkeldi. Jalpy náreste óliminiń kórsetkishi 1000 týylǵanǵa shaqqanda 8,37 jaǵdaı boldy.