9 aıda shaharda 461 quqyqbuzýshylyq anyqtalǵan.
Almaty polısıasy 5 esirtki zerthanasyn joıdy, dep habarlaıdy Polisia.kz.
Almaty qalalyq PD Esirtki qylmysyna qarsy kúres basqarmasynda buryn habarlanǵandaı, bıylǵy jyldyń 9 aıynda shaharda esirtkiniń zańsyz aınalymyna qatysty 461 quqyqbuzýshylyq anyqtalǵan.
«Zańsyz aınalymnan 600 kelige jýyq esirtki tárkilendi, onyń 15 kelisi - «sıntetıka». Sonymen qatar, júrgizilgen is-sharalardyń nátıjesinde sıntetıkalyq preparattardy shyǵaratyn 5 zerthana joıyldy. Mysal retinde bir epızodty keltireıin: qarapaıym úıde esirtki zerthanasyn uıymdastyrǵan 20-23 jas aralyǵyndaǵy alty jas jigit ustaldy. Ǵımaratty ruqsat etilgen tintý kezinde hımıalyq reagentter, sıntetıkalyq esirtki óndirýge arnalǵan túrli komponentter, sondaı-aq, satýǵa daıyn 6 kelige jýyq mefedron tárkilendi. Bul ónimniń satylymdaǵy baǵasy 150 mıllıon teńge bolar edi. Aıta keteıik, jeńil jolmen aqsha tabý jolynda ustalǵandardyń árqaısysy 15 jyldan 20 jylǵa deıin bas bostandyǵynan aıyrylýy múmkin», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.