Eldegi vedimistik deńgeıdegi marapattardyń qatary «Eńbek sińirgen saýda qyzmetkeri» tósbelgisimen tolyǵýy múmkin, dep habarlaıdy Almaty-akshamy.kz QazAqparatqa silteme jasap.
«Ashyq NQA» portalynda jarıalanǵan QR Úkimetiniń qaýlysynda osyndaı shara kózdelgen. Qujattyń tolyq ataýy – «Qazaqstan Respýblıkasy Úkimetiniń qurylymyna kiretin keıbir memlekettik organdardyń vedimistik nagradalary týraly «Qazaqstan Respýblıkasy Úkimetiniń 2011 jylǵy 15 jeltoqsandaǵy №1539 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń qaýly jobasy.
«3. Vedimistik nagradalarmen marapattaý negizderi» bólimi: mynadaı mazmundaǵy «Eńbek sińirgen saýda qyzmetkeri» tósbelgisi» degen kishi bólimmen jáne 82-4-tarmaqpen tolyqtyrylsyn», - dep jazylǵan qaýly jobasynda.
Sondaı-aq, bul tósbelgimen saýdany damytýǵa, saýda qyzmetin júzege asyrýdyń nysandary men ádisterin jetildirýge, tutynýshylarǵa qyzmet kórsetýdiń joǵary mádenıetin qamtamasyz etýge sińirgen eńbegi jáne qosqan zor úlesi úshin, saýdanyń tıimdiligi men joǵary tehnologıalyq sıpatyn arttyrýǵa, ozyq tájirıbeni taratýǵa baǵyttalǵan is-sharalardy ázirlegeni jáne júzege asyrǵany úshin, sondaı-aq qoǵamdyq tamaqtaný salasynda jumys isteıtin qyzmetkerler nagradtalatyny aıtylǵan.
«Eńbek sińirgen saýda qyzmetkeri» tósbelgisi dıametri 45 mm sheńber nysanynda jezden daıyndalady. Medaldiń bet jaǵynda ortada bederli, shyǵyńqy, jyltyr element – «Kadýkýs» saýdasynyń sımvoly ornalasqan. Aınaldyra tómengi bóliginde «Eńbek sińirgen saýda qyzmetkeri» kúreń qyzyl emalmen naqyshtalǵan, gravırovkanyń syrtqy bóliginde memlekettik týdyń túsi – kógildir emal kómkerilgen. Sheńberdiń syrtqy bóligin jyltyr, shyǵyńqy beder nysanynda oryndalǵan segizburysh kómkeredi. Tósbelginiń syrtqy jaǵynda joǵarǵy bóliginde qazaq oıý-órnegi ornalasqan, ortasynda «Qazaqstan Respýblıkasynyń Saýda jáne ıntegrasıa mınıstrligi» degen qazaqsha sózder jáne tómengi bóliginde serıalyq nómir oıylyp jazylǵan. Tósbelgi qulaqsha men shyǵyrshyq arqyly eni 35 mm jáne bıiktigi 31 mm kógildir tústi qatqyl jibek lentamen qaptalǵan tórt buryshty taǵanǵa jalǵanady, kıimge vızorly bekitkishi bar túıreýish arqyly bekitiledi», - dep jazylǵan qujatta.
Qaýly jobasy 3 mamyrǵa deıin jarıa talqylaýda bolady.