Almaty qalasynda ortasha jalaqy kólemi 20%-ǵa joǵary
Bul týraly óńirlik komýnıkasıalar qyzmetinde ótken brıfıńte Almaty ákiminiń orynbasary İlıas Óserov aıtty, dep habarlaıdy Almaty-akshamy.kz
Almaty ákiminiń orynbasary 11 aı ishinde qalanyń ekonomıkalyq kórsetkishteri qalaı ózgergenin baıandap berdi.
«Almaty - respýblıkalyq búdjettiń donory. Ol uzaq ýaqyt boıy respýblıkanyń basqa óńirleri arasynda jetekshi orynǵa ıe. Qalanyń JİÓ eldiń JİÓ-niń besinshi bóligin quraıdy (1-shi jartyjyldyqta - 105,5%, QR boıynsha - 102,4%). Memlekettik búdjetke salyqtyq túsimder el boıynsha barlyq túsimderdiń tórtten birin quraıdy», - deıdi İlıas Óserov.
Ótken jyly karantın men lokdaýnnyń engizilýine baılanysty bızneske salyq tóleý merzimi keıinge qaldyrylǵany atap ótildi. Jergilikti búdjetke shaǵyn jáne orta bıznes sýbektilerinen korporatıvtik tabys salyǵy berildi, sondaı-aq respýblıkalyq búdjetten jergilikti búdjettiń shyǵyndary 64,4 mlrd teńge kóleminde óteldi.
İlıas Óserovtyń aıtýynsha, bıyl salyq túsimderiniń ósý qarqyny joǵary.
«11 aıdyń qorytyndysy boıynsha, biz, ótken jyldyń sáıkes kezeńimen salystyrǵanda, salyq túsimderiniń 28,7%-ǵa ósýin baıqap otyrmyz», - deıdi ákimniń orynbasary.
Osylaısha, salyqtar saýda-sattyq - 144%, baılanys - 161%, qarjy jáne saqtandyrý - 137%, kásibı, ǵylymı jáne tehnıkalyq qyzmet - 121%, qurylys - 120% salalarynda aıtarlyqtaı ósti.
Bul rette, statısıkalyq málimetterge sáıkes, osy jyldyń 3-toqsanynda, ótken jyldyń tıisti kezeńimen salystyrǵanda, jalaqy 20,1%-ǵa ósti. Osylaısha, qala boıynsha ortasha aılyq jalaqy respýblıkalyq deńgeıden 16,4%-ǵa joǵary bolyp, 283 700 teńgeni quraıdy. Aıta ketsek, Qazaqstan boıynsha ortasha jalaqy - 243 667 teńge.