Kóktaıǵaq, jel, burqasyn: juma kúngi aýa raıy boljamy
Qazaqstannyń bóligi soltústik-batys sıklonnyń jyrasynyń jáne onymen baılanysty atmosferalyq frontaldy bólikterdiń yqpalynda bolǵandyqtan - jaýyn-shashyn jańbyr men qar jaýyp, kóktaıǵaq jáne jaıaý burqasyn bolady.
Al respýblıkanyń ońtústiginde shańdy daýyl, naızaǵaı kútiledi. Keı jerlerde tuman jáne jel kúsheıedi.
Shyǵys Qazaqstan oblysynyń batysynda túnde, basym bóliginde kúndiz jel 15-23 m/s kúsheıedi, oblystyń batysynda, ortalyǵynda jáne shyǵysynda jaıaý burqasyn, kúndiz soltústik-batysynda tuman, kóktaıǵaq kútiledi.
Qaraǵandy oblysynyń batysynda, ortalyǵynda túnde, soltústiginde, shyǵysynda, ortalyǵynda kúndiz kóktaıǵaq, jaıaý burqasyn kútiledi, oblystyń soltústiginde, shyǵysynda jel 15-20 m/s jyldamdyqpen soǵady.
Soltústik Qazaqstan, Aqmola oblystarynda jel 15-20 m/s kúsheıedi, keı jerlerde jaıaý burqasyn, kóktaıǵaq, tuman kútiledi. Qostanaı oblysynyń shyǵysynda túnde, kóktaıǵaq, jaıaý burqasyn, ońtústiginde tuman kútiledi, kúndiz batysynda jel 15-20 m/s kúsheıedi.
Pavlodar oblysynyń soltústiginde jaıaý burqasyn, kóktaıǵaq kútiledi, soltústiginde, batysynda jel 15-20 m/s kúsheıedi. Jambyl oblysynyń ońtústik-batysynda, taýly aýdandarynda jel 15-20 m/s, túnde jáne tańerteń ekpini 23 m/s kúsheıedi, oblystyń ońtústik-batysynda shańdy daýyl, taý jáne taýly aýdandarynda tuman túsedi.
Túrkistan oblysynyń batysynda, soltústiginde, taý, taýly aýdandarynda jel 15-23 m/s kúsheıedi, oblystyń batysynda, soltústiginde shańdy daýyl, kúndiz taýly aýdandarynda naızaǵaı jarqyldaıdy. Aqtóbe, Qyzylorda oblystarynyń soltústiginde, Atyraý oblysynda túnde jáne tańerteń, Mańǵystaý oblysynyń batysynda tuman bolady. Batys Qazaqstan oblysynyń soltústik-batysynda, soltústik-shyǵysynda tuman, kóktaıǵaq kútiledi.