Atalǵan saıt qyzmetine júgingen 4 myńǵa jýyq adam jumysqa ornalasqan
Mamandar burynǵydaı uzyn-sonar kezekke turyp, altyndaı ýaqytyn sarp etetin zamannyń artta qalǵanyn aıtady. Sebebi elektrondy portal arqyly ońaı tirkelip, qalaǵan suraǵyńa jaýap alýǵa bolady, dep habarlaıdy Almaty-akshamy.kz Almaty.tv-ǵa silteme jasap.
Enbek.kz portaly arqyly jumysqa ornalasqandardyń biri – Ádilet Jańabaev. Ol buǵan deıin ár mekemeniń esigin tozdyryp, jumys tappaı uzaq júrip qalypty. Keıin arnaıy ortalyqtyń elektrondy saıtyna túıindemesin júktep, az ýaqyt ishinde túrli usynystar túskenin aıtady.
«Munda qanshama kezekte turdym, qanshama ýaqytym ketti. Sodan keıin jumyspen qamtý ortalyǵynyń mamandary enbek.kz saıty týraly aıtyp túsindirdi. Sol saıt arqyly jumys tapqanyma 6 aıdaı ýaqyt boldy. Qazir osynda jumys istep jatyrmyn», – dedi qala turǵyny Nurdáýlet Beketaev.
Jumyspen qamtý ortalyǵyna buryn kúnine 300-deı adam keletin bolsa, qazir 50 shaqty azamat júginedi. Iaǵnı, onlaın qyzmet kórsetý sapasy artqan. Enbek.kz saıtynyń ereksheligi – úıde otyryp-aq elektrondy túrde tirkele alady.
«Onlaın tıimdiligi, birinshiden, júgingen azamattardyń ýaqyt jáne qarjy shaǵymdaryn qysqartady. Odan bólek, úıden shyqpaı-aq bizden kórsetiletin qyzmetterdi alýǵa bolady», – dedi Halyqty jumyspen qamtý ortalyǵynyń mamany Ádilet Jańabaev.
Sondaı-aq jumys berýshi zańdy tulǵalar da onlaın qyzmetke júginip, ár azamattyń túıindemesin teksere alady.
Aıta keteıik, jyl basynan beri Enbek.kz saıtyna 15 myńnan astam qala turǵyny jumys izdeýshi retinde, 15 myń 74 adam jumyssyz esebinde tirkelgen.