Ulttyq statısıka búrosy Qazaqstanda eń joǵary aılyqty kimder alyp júrgeni týraly málimet usyndy, dep habarlaıdy Almaty-akshamy.kz QazAqparatqa silteme jasap.
«Jalaqynyń eń joǵary mólsherine qatysty kelesini habarlaımyz. Búro jyl saıyn «Jalaqy qurylymy jáne ony bólý týraly esep» statısıkalyq nysany negizinde kásiporyndarǵa zertteý júrgizedi. Esepti jyldyń sáýir aıynda tolyq jumys istegen barlyq qyzmetkerler zertteýge jatady.
Osylaısha, 2021 jyldyń qorytyndysy boıynsha, eń joǵary jalaqy «Azamattyq qurylys» salasyndaǵy basqarýshyda (komersıalyq qyzmette) – 4,5 mln teńge somasynda, sondaı-aq «Shıki munaı jáne tabıǵı gaz óndirý» salasyndaǵy bas dırektorda – 3,9 mln teńge jáne «Avtomobılder men motosıklder saýdasynan basqa kóterme saýdada satý» salasyndaǵy ınvestısıalyq jobalar jónindegi dırektorda – 3,9 mln teńge bolyp belgilendi. Bul jerde jalaqy mólsheri laýazymǵa jáne ekonomıkalyq qyzmet túri, aımaq, biliktilik, jumys ótili jáne basqalary sıaqty mańyzdy faktorlarǵa baılanysty», - dep jazylǵan vedomstvonyń resmı jaýabynda.
Sonymen, eń joǵary aılyqtyń kólemi 3,9 mln teńgeden bastalady desek, ony alatyndardyń eńbekke jaramdy halyqtyń ishindegi úlesi 0,1 paıyzǵa da jetpeıtin kórinedi.
«2021 jylǵy zertteý qorytyndysy boıynsha, zertteýge qatysatyn adamdardyń jalpy sanynan 3,9 mln teńgeden astam jalaqyny 0,1% tómen adam aldy. 275 myń teńgeden astam jalaqyny 28,4% adam aldy», - dep jazady Ulttyq statısıka búrosynyń mamandary.
Buǵan deıin búro qazaqstandyqtardyń ortasha jalaqysy 312 myń teńgeden asqany týraly málimet taratqan edi.
Sondaı-aq, jan basyna shaqqandaǵy ortasha aılyq tabysy 50 myń teńgege jetpeıtin qazaqstandyqtardyń úlesi 38,7% bolyp otyr.
Ulttyq statısıka búrosy Qazaqstanda eń kóp kezdesetin aılyq kólemin atady.