Mamandar muny durys tamaqtaný erejelerin ustanbaýmen baılanystyryp otyr.
Aǵzaǵa keri áserin tigizbeı, gemoglobındi qalaı kóterýge bolady?
Tarazdyq Birjan Qońyrov 2 jasar ulynyń bir apta buryn qyzylshamen aýyrǵanyn aıtady. Bastapqyda ınfeksıany barlyq bala sekildi qabyldaǵan. Biraq birer kúnnen soń álsirep, júrip turýǵa shamasy kelmedi, deıdi. Jaǵdaıy nasharlap, aqyry jansaqtaý bóliminen bir shyǵypty. Jedel saraptama alǵan dárigerler qandaǵy temir kólemi shamadan tys tómendep ketkenin aıtqan, dep habarlaıdy Almaty-akshamy.kz 24.kz-ke silteme jasap.
«Eshteńege qımyldaı almaıdy, eshteńege shamasy jetpeıdi. Kóterip júre ber deıdi. Biz ony qyzylshamen aýyrdy, oıbaı, sodan kóńil-kúıi bolmaı jatyr deımiz. Al bul sóıtsek, ishindegi qanǵa da baılanysty eken ǵoı. Múlde 47-ge túsip ketipti ǵoı jańaǵy gemoglobın temiri. Ýaqytynda bolnısaǵa kep, ýaqytynda kórsetip bilikti mamandarǵa», - deıdi qala turǵyny Birjan Qońyrov.
Gematologtar temir tapshylyq anemıasy qazir balalarda jıi kezdesetinin aıtady. Júktilik kezinde ana aǵzasynda temir tapshylyǵy bolsa, qursaqtaǵy balada da damýy múmkin. Sonymen qosa bir jasqa deıingi sábıge qosymsha tamaq berý de atalǵan dıagnozǵa ákelýi yqtımal. Dárigerler ony balanyń este saqtaý qabiletiniń tómendeýine alyp keledi, dep otyr. Sondyqtan der kezinde bıohımıalyq analız jasatyp emdetpese, sábıdiń boıy óspeı qalýy ǵajap emes.
«Temir preparattaryn birinshi dárejesinde 1 aı kóleminde ishedi. Ekinshi, úshinshi dárejesinde temir preparattaryn biz taǵaıyndaımyz 2-3 aıǵa. Terisi bozǵylt bolyp sodan keıin tyrnaqtary synǵysh bolyp jatsa shashtary túskish bolyp jatsa ýchaskelik dárigerine aparyp qan analızin tapsyryp sosyn bıohımıalyq analızdi sol jerden temir men feretınniń mólsherin anyqtap», - deıdi oblystyq balalar aýrahanysynyń bólim meńgerýshisi Gúlfıa Muqataeva.
Al astanalyq Saıa Artyqovanyń jasy 31-de. Sońǵy jyldary ózin álsiz ári jaısyz sezinip júrgen. Bulaı jalǵasa berýin qalamaǵan ol, dárigerdiń qabyldaýyna barady. Nátıjesinde qandaǵy gemoglobınniń tómendep ketkeni belgili bolǵan.
«Kóbine aq halattylarǵa baryp tekserilý sharalaryn keıinge qaldyryp jatamyz. Negizi ol durys emes. Maǵan dáriger dıagnozyma qarap, durys tamaqtaný kerektigin aıtty. Arnaıy dıeta erejesin túsindirip berdi. Quramynda temir preparattary bar birneshe bıologıalyq belsendi qospalardy ishýge keńes berdi», - deıdi emdelýshi Saıa Artyqova.
Bıologıalyq belsendý qospalar demekshi, ony tek dárigerdiń ruqsatymen ǵana ishýge keńes beriledi. Mysaly aǵzada temir almasý prosesi buzylǵan adamdarǵa bul preparattardy tutyný - baýyr sırrozyna nemese qant dıabetine ákelýi múmkin, deıdi mamandar.
«Bıologıalyq belsendi qospalardy tutynýǵa keńes berilmeıdi. Sebebi ony retsiz paıdalansa, túrli aýrýlarǵa ákelip soǵady. Sondyqtan ony negizgi taǵaıyndalatyn dáriler qataryna jatqyza almaımyz. Olardyń quramynda tek temir emes, kálsı, magnıı sekildi kóptegen mıkroelement bar. Al ol organızmge tússe, onda temirdiń adam boıyna sińýine kedergi bolady», - deıdi dáriger-gematolog Aıjan Nurǵalıeva.
.