Bul týraly Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sesıasynda aıtty.
- Jýyrda ótken Májilis jáne máslıhat saılaýynyń qorytyndysy boıynsha, Parlamentke túrli áleýmettik toptan shyqqan ókilderdiń kelýine jol ashylǵanyn baıqap otyrmyz, - dedi Memleket basshysy.
«Endi partıalar elimizdiń bolashaǵyna zor yqpal etetin saıası úderistiń basy-qasynda júretin bolady. Májiliske bir mandatty okrýgten de depýtattar saılandy. Iaǵnı, Parlamentke túrli áleýmettik toptan shyqqan ókilderdiń kelýine jol ashyldy», - dedi Prezıdent alǵashqy sesıa barysynda.
Memleket basshysynyń aıtýynsha, uzaq jyldan beri alǵash ret ózin-ózi usynǵan úmitkerler depýtat atandy.
«Birqatar azamat partıa atynan shyqqan úmitkerlerdi tartysty básekede jeńip shyqty. Osylaısha, elimizde demokratıa dástúri jańa deńgeıge kóterilip, nyǵaıa tústi. Saıası kúshterdiń bárine birdeı múmkindik beriletinine azamattardyń senimi artty», - dep qosty Qasym-Jomart Kemeluly.