«Habar» agenttiginiń basqarma tóraǵasy Berik Ýálı AQSH-tyń CNN International Commercial kompanıasynyń strategıalyq seriktestik jónindegi vıse-prezıdenti Konstantınos Oıkonomoý, sondaı-aq kontent satý jáne lısenzıa berý departamentiniń dırektory Valıd Chamakpen kezdesti, dep habarlaıdy Almaty-akshamy.kz QazAqparatqa silteme jasap.
«Kezdesý barysynda ekijaqty yntymaqtastyqty keńeıtý, álemdik telejýrnalıstıkadaǵy úrdister, jańa tehnologıalar jaıly pikir almastyq. Kostas Oıkonomý CNN telekompanıasy Ortalyq Azıanyń, onyń ishinde birinshi kezekte Qazaqstannyń medıa-resýrstarmen áriptestik qatynas ornatyp, nyǵaıtýǵa múddeli ekenin jetkizdi», - dep jazdy Berik Ýálı áleýmettik jelidegi paraqshasynda.
Onyń aıtýynsha, CNN trenıń uıymdastyrý, eksklúzıvti aqparat almasý, CNN-niń Qazaqstanda ókildigin ashý sıaqty usynystaryn jetkizgen.
«Biz óz tarapymyzdan olar usynatyn qyzmetterdi saralap, agenttik múddesine saı keletin jobalardy birlese qarastyratyn bolyp ýaǵdalastyq», - deıdi «Habar» basshysy.