Bul burynǵy kórsetkishten 80,9%-ǵa nemese 5,9 myń tonnaǵa kóp.
Resmı statısıka boıynsha, 2022 jyly sý qoımalarynan 50,6 myń tonna balyq aýlanǵan, dep habarlaıdy Almaty-akshamy.kz.
Sazan 2,5 myń tonna, kókserke 2,1 myń tonna, forel jáne tuqy árqaısysy 2 myń tonnany qurady.
Byltyr sý qoımalarynan aýlanǵan 50,6 myń tonna balyq sońǵy 10 jyldaǵy rekord sanalady. Onyń 17,8 myń tonnasy teńizderden aýlanǵan.
Máselen, Atyraý jáne Mańǵystaý oblystaryndaǵy teńiz balyǵy (Kaspıı) 9,9 myń tonnany qurady. Qyzylorda (Aral) men Aqtóbede – 7,8 myń tonna. Iaǵnı, Aral teńizi elimizdiń balyq sharýashylyǵy úshin áli de mańyzdy. Onda aýlanǵan balyqtar jalpy respýblıkalyq kórsetkishtiń 15%-yn quraıdy.
Byltyr Qazaqstan shetelge 88,9 mln dollarǵa 25,6 myń tonna ártúrli balyqty satsa, 137,3 mln dollarǵa 41,2 myń tonna satyp aldy.
Negizgi eksporttyq taýar – balyq fılesi. 61,2 mln dollardyń 9,9 myń tonnasy shetelge ketti. Negizgi satyp alýshylar Germanıa (18,7 mln dollar), Lıtva (13,1 mln dollar) jáne Nıderlandy (11,6 mln dollar) boldy.
Importtyń basym bóligi muzdatylǵan balyq bolyp tabylady. Negizgi satýshylar Norvegıa (65,5 mln dollarǵa 16,3 myń tonna), Reseı (20,6 mln dollarǵa 11,7 myń tonna) jáne Chılı (17,7 mln dollarǵa 2,1 myń tonna) bolyp tabylady.