DSM kosmetologtarǵa barǵan kezde sertıfıkat talap etýdi usynady.
Qyz-kelinshekter kosmetologıalyq klınıkalarǵa barǵan kezde barlyǵy botokstyń jaramdylyq merzimine jáne eń bastysy Qazaqstanda osy quraldyń tirkelgenine nazar aýdarmaıdy, dep habarlaıdy Almaty-akshamy.kz
Dárilik zattar men medısınalyq buıymdardyń memlekettik tizilimine sáıkes QR-da botýlınoterapıada qoldanýǵa arnalǵan 12 dárilik zat tirkelgen.
Sońǵy jyldary arnaıy dárilik preparattardyń negizinde ıneksıalyq em-sharalar qoldanylatyn botýlınoterapıa (botoks) em-sharasy keńinen suranysqa ıe boldy. Bul "sulýlyq ıneksıalary " teriniń patologıalyq ózgeristerin jasartý jáne joıý maqsatynda ekstetıkalyq medısınada jıi qoldanylady.
«QR-da botýlınoterapıada qoldanýǵa arnalǵan 12 dárilik zat tirkelgen. Olar «Botýlaks», «Kseomın», «Vıstabel», «FORTOKS®️», «Dısport®️», «Neıronoks» saýda ataýlarymen usynylǵan. Bul dáriler dárigerdiń resepti boıynsha qatań túrde beriledi. Qazaqstan Respýblıkasynyń zańnamasynda resept boıynsha dárilik zattardy reseptsiz satqany úshin ákimshilik jaýapkershilik kózdelgenin aıta ketý kerek. Dárilik zattardyń zańsyz aınalymy úshin tek ákimshilik qana emes, sonymen qatar qylmystyq jaýapkershilik te kózdelgen. QR Densaýlyq saqtaý mınıstrligi ıneksıalardy óz betinshe engizbeýge, tek qana sertıfıkattalǵan mamandardyń qyzmetterin paıdalanýǵa jáne elimizde tirkelgen, dárigerdiń resepti boıynsha jazylǵan dárilik zattardy ǵana satyp alýǵa keńes beredi», - delingen habarlamada.
Uıymnyń tańdalǵan em-sharalardy júrgizýge lısenzıasy bar ekenine kóz jetkizý mańyzdy. Muny kelesi silteme arqyly tekserýge bolady: https://www.gov.kz/memleket/entities/kmfk/documents/details/415810?lang=kk