Almatyda kún saıyn 2 myńnan astam polısıa qyzmetkeri qoǵamdyq tártipti qamtamasyz etedi.
Almatyda qoǵamdyq oryndarda jasalǵan quqyq buzýshylyqtar sany 6,2%-ǵa, onyń ishinde kóshede jasalǵan quqyq buzýshylyqtar 26,5%-ǵa azaıdy.
«Qabyldanǵan sharalardyń nátıjesinde jalpy krımınogendik jaǵdaıdy turaqtandyrý, qylmystardy ashý, sondaı-aq qoǵamdyq oryndarda jasalǵan quqyq buzýshylyqtardy anyqtaý jáne der kezinde jolyn kesý boıynsha jumys jaqsardy. Qalada barlyǵy 1 myń 844 patrúldik baǵyt ázirlendi, onyń 468-i avtomobıl, 1 myń 294-i jaıaý, sondaı-aq 44 stasıonarlyq polısıa beketi. Aıtpaqshy, jyl basynan beri polısıanyń modýldik beketterinde qyzmet etken polıseıler 600-ge jýyq quqyq buzýshylyqtyń jolyn kesti. Qoǵamdyq oryndarda jasalǵan qylmystardyń monıtorıńi múliktik qylmystardyń basym ekenin kórsetedi. Olardyń aldyn alý jáne jolyn kesý maqsatynda jergilikti is-shara jumystary júrgizilýde», - dedi, Almaty qalalyq PD Jergilikti polısıa qyzmeti Basqarmasy bastyǵynyń orynbasary, polısıa polkovnıgi Dıas Dýanbekov.
Sondaı-aq polısıada, qala Ákimdigi men İİM qoldaýymen polısıa bólimsheleriniń materıaldyq-tehnıkalyq jaraqtandyrylýy, beınebaqylaý júıesi jetildirilip, polısıa qyzmetkerleriniń jalaqysy kóterilip, sapaly jáne nátıjeli jumysqa, sondaı-aq qaladaǵy qylmystyq jaǵdaıdy jaqsartýǵa oń nátıje bergenin atap ótti.
Almaty qalalyq polısıa Departamenti baspasóz qyzmeti