Blıs-shahmattan álem chempıonaty elimizde alǵash ret ótkizildi.
Halyqaralyq shahmat federasıasy (FIDE) Álem chempıonatynyń uıymdastyrylý deńgeıin joǵary baǵalady, dep habarlaıdy Almaty-akshamy.kz QazAqparatqa silteme jasap.
Bul týraly Ortalyq komýnıkasıalar qyzmetinde ótken brıfıńide Qazaqstan shahmat federasıasynyń vıse-prezıdenti Dármen Sádýaqasov aıtty.
«Bul Qazaqstan úshin erekshe oqıǵa boldy. Chempıonat burynǵyǵa qaraǵanda úlken masshtabta ótti. Qazaqstan buǵan deıin úlken jarystar, álem chempıonattaryn ótkizgen. Degenmen, mundaı kólemdegi týrnırlerdi biz áli uıymdastyrmaǵan edik. Biz, barlyq uıymdastyrý komandasy, Qazaqstan shahmat federasıasy jáne Halyqaralyq shahmat federasıasymen birlesip, josparly ári nátıjeli jumys atqardyq», - dedi Dármen Sádýaqasov.
Onyń aıtýynsha, Halyqaralyq shahmat federasıasy (FIDE) chempıonattyń uıymdastyrylý deńgeıin joǵary baǵalaǵan.
«Bul bizge bolashaqta budan da basqa iri halyqaralyq jarystardy ótkizýge múmkindik beretin alań boldy dep zor senimmen aıta alamyz», - dep túıindedi shahmat federasıasynyń vıse-prezıdenti.