Azamattarǵa jumyspen qamtýǵa járdemdesýdiń memlekettik sharalaryn usynatyn SMS-habarlamalar jiberiledi.
Eńbek jáne halyqty áleýmettik qorǵaý mınıstri Tamara Dúısenova 2022 jyly atqarylǵan jumys nátıjesi men 2023 jylǵa arnalǵan mindetter boıynsha halyqty jumyspen qamtý sharalary týraly baıandady, dep habarlaıdy Almaty-akshamy.kz
Vedomstvo ókilderiniń málimetinshe, is-sharaǵa Premer-Mınıstr Álıhan Smaıylov, Premer-Mınıstrdiń orynbasary Altaı Kólginov, sondaı-aq Parlament depýtattary, oblystar men respýblıkalyq mańyzy bar qalalar ákimderiniń orynbasarlary, ortalyq memlekettik organdar, Kásipodaqtar federasıasy, «Atameken» UKP, halyqaralyq uıymdar jáne ÚEU ókilderi qatysty.
Tamara Dúısenova mınıstrliktiń áleýmettik-eńbek salasyndaǵy qabyldanatyn sharalarynyń tıimdiligin arttyrýǵa baǵyttalǵan 2023-2027 jyldarǵa arnalǵan damý josparynyń 5 strategıalyq baǵyty týraly baıandady.
Úshinshi strategıalyq baǵyt – azamattardy jumyspen qamtýǵa járdemdesý. Qazirgi geosaıası jaǵdaı, jastardyń edáýir aǵyny, kútiletin jumystan bosatý jáne jańa jumys oryndarynyń az generasıasy ulttyq eńbek naryǵynyń negizgi syn-qaterleri jáne halyqtyń naqty tabysyna áser etetin faktorlar bolyp tabylady. Sondyqtan mınıstrlik jumysynyń osy baǵytynyń basty maqsaty otbasynyń keminde bir múshesin resmı jumyspen qamtamasyz etý jáne onyń áleýmettik qamsyzdandyrý júıesine qatysýy bolyp aıqyndaldy. Negizgi nátıje jyl ishinde jastardy, jumyspen qamtylmaǵan azamattardy jáne múgedektigi bar adamdardy qosa alǵanda shamamen 1 mln adamdy jumysqa ornalastyrý, – dedi EHÁQM basshysy.
Mınıstr Otbasynyń sıfrlyq kartasynan alynǵan derekter negizinde kelesideı negizgi nysanaly kontıngent qalyptastyrylatynyn habarlady: eki jáne odan da kóp jumyspen qamtylmaǵan eńbekke qabiletti músheleri bar otbasylar; jumys istemeıtin jastar; densaýlyq jaǵdaıy boıynsha jumys isteýge qabiletti múgedektigi bar adamdar. Olarǵa jumyspen qamtýǵa járdemdesýdiń memlekettik sharalaryn usynatyn SMS-habarlamalar jiberiledi. Sharaǵa qatysýǵa kelisim bergen azamattardyń ishinen óńirlerde jumysqa ornalasatyn adamdardyń tizilimi qalyptastyrylady.
Jergilikti atqarýshy organdar 15 qańtarǵa deıin osy kontıngentpen jumys isteýge baǵdarlanǵan óńirlik jumyspen qamtý kartalaryn bekitetin bolady.
«Jalpy, respýblıka boıynsha bıyl salalyq tujyrymdamalar men ulttyq jobalar sheńberinde 75 myńǵa jýyq jumys ornyn, qarjylandyrý kólemi 131 mlrd teńgeni quraıtyn memleket sýbsıdıalaıtyn 150 myńnan astam jumys ornyn qurý josparlanyp otyr. 780 myń adamdy jeke bastamalar sheńberinde jáne jumys berýshilerdiń bos jumys oryndaryna ornalastyrý josparlanǵan. Qurylatyn jumys oryndarynyń jalpy sanynyń shamamen 20%-y jastar men múgedektigi bar adamdardy jumysqa ornalastyrýǵa baǵyttalady. Budan basqa, 6 myń jas azamatqa 5 jylǵa jyldyq mólsherlemesi 2,5% bolatyn 5 mln teńgege deıingi jeńildikti mıkrokredıtter beriletin bolady. Erekshe qajettilikteri bar jastarǵa jáne halyqtyń áleýmettik osal toptarynan shyqqan azamattarǵa 1,2 mln teńge mólsherinde 9 myń grant beriledi. Zeınetkerlik jasqa deıingi adamdar úshin «Kúmis jas» jobasyn iske asyrý jalǵasa beredi. Joba aıasynda jyl saıyn keminde 15 myń adam jumyspen qamtylady», – dedi Tamara Dúısenova.
EHÁQM basshysy sondaı-aq ótken jyly Elektrondyq eńbek bırjasynda (budan ári – EEB) birqatar iri kompanıalarmen birlesip jumysqa qabyldaýdyń pılottyq jobasy iske asyrylǵanyn atap ótti. Bul jumys osy jyly da jalǵasady, 15 aqpanǵa deıin 20 iri otandyq kompanıamen tıisti memorandýmdar jasaý josparlanýda.
Óńirlerde de osy bastamany qolǵa alyp, sol arqyly EEB-ǵa usynylǵan kásiporyndar men bos jumys oryndarynyń tizbesin keńeıtýdi usynamyz. Bul jumys berýshilerge mamandardy izdeýdi jeńildetedi, izdenýshiler úshin – bos jumys oryndaryna qoljetimdilikti keńeıtedi, sondaı-aq óńirlik kadrlar aǵynyna serpin beredi, – dedi Tamara Dúısenova.
Ol ótken jyldyń 3 aıynda ǵana EEB arqyly 11 myńnan astam adam basqa óńirlerde óz betinshe jumysqa ornalasqanyn aıtty. Bul rette mınıstrlik halyqtyń ishki utqyrlyǵyn yntalandyrý úshin azamattardy eńbek kúshi artyq óńirlerden eńbek kúshi tapshy óńirlerge kóshirý tásilderi ózgertildi.
«Basty shart – jumys oryndarynyń bolýy jáne turǵyn úımen qamtamasyz etý múmkindigi. Qazir qabyldaýshy óńirlerdiń ákimderi kásiporyndar bólinisinde suranysqa ıe kásipteri bar kadrlarǵa qajettilikter jáne eńbek kúshi artyq óńirlerden keletinder men qandastar úshin áleýmettik paket túri kórsetiletin jol kartalaryn daıyndaýdy aıaqtap jatyr. Sondaı-aq, Mańǵystaý oblysynda synaqtan ótken etnıkalyq qazaqtardy qabyldaý algorıtmine nazar aýdarǵym keldi. Oǵan sáıkes jumys berýshi rastaǵan jumysqa shaqyrýlary bar etnıkalyq qazaqtar kásiporynnyń ornalasqan jeri boıynsha óńirge vıza alady, elge buryn kelgen otbasy músheleri, etnıkalyq qazaqtar ózderi turatyn óńirge jiberiledi, qalǵan sanattar jergilikti atqarýshy organdarmen kelisim boıynsha qonystandyrý óńirlerine jiberiledi», – dep málimdedi mınıstr.
Tamara Dúısenova halyqty jumyspen qamtý ortalyqtarynyń aldaǵy transformasıasy týraly da aıtty. Jańa qurylym qalyptastyrylatyn bolady: óńirler deńgeıinde bek-ofıs fýnksıasyn eńbek utqyrlyǵy ortalyqtary oryndaıtyn bolady, aýdandar men qalalar deńgeıinde front-ofıster mansaptyq ortalyqtarǵa aınaldyrylǵan jumys istep turǵan jumyspen qamtý ortalyqtary bolady. Sondaı-aq ortalyqtar kórsetetin qyzmetter úshin tarıfter belgilenedi, qyzmetkerlerdiń eńbegine aqy tóleý jumysqa ornalastyrylǵan azamattardyń sanyna tikeleı baılanysty bolady.
Transformasıany pılottyq synaqtan ótkizý bıyl elimizdiń úsh óńirinde bastalady. Olar - Astana qalasy, Qaraǵandy jáne Túrkistan oblystary.