Qazaqstanda sońǵy úsh jylda 1,5 mıllıonǵa jýyq sábı dúnıege keldi.
Bul týraly Ǵylym jáne joǵary bilim mınıstri Saıasat Nurbek aıtty, dep habalaıdy Almaty-akshamy.kz Elorda.info. saıtyna silteme jasap.
«Qazirgi tańda Qazaqstan, jalpy Ortalyq Azıa elderi úlken demografıalyq ózgeristerdiń aldynda tur. Ol demografıalyq ózgeristerdi jarylys dep te aıtýǵa bolady. Tolqyn bastalyp ketti. Onyń ústine ekinshi tolqyn qosylyp jatyr. Ol – mıgrasıa tolqyny. Eki kún buryn BUU dúnıejúzindegi 8 mıllıardynshy turǵyn dúnıege kelgenin jarıa etti. 7 mıllıardtan 8 mıllıardqa sońǵy 12 jylda jetip otyrmyz. Iaǵnı, dúnıejúzinde halyq sany kúrt artýda», - dedi ol Otbasy, demografıa jáne genderlik saıasat máseleleri jónindegi halyqaralyq ǵylymı konferensıa barysynda.
Onyń atap ótýinshe, bul tendensıa elimizge de, aımaqqa da qatty áser etedi.
«Sońǵy úsh jylda Qazaqstanda 1,5 mıllıonǵa jýyq bala dúnıege keldi. Qýantatyn jaıt, shúkir etýimiz kerek. Osy jyldyń qorytyndysynda 500 myń bala dúnıege keledi degen boljam bar. Byltyr 456 myń bala, aldyńǵy jyly 426 myń bala dúnıege keldi. Bul 3 jyl qatarynan demografıalyq rekord sanalady. Sońǵy ret mundaı rekord 1987 jyly tirkelip, 417 myń sábı dúnıe esigin ashqan edi», - dedi Saıasat Nurbek.