Almaty qalasynyń 35 jastaǵy turǵynynan 5 kelige jýyq untaq zat tárkilendi, dep habarlaıdy Almaty-akshamy.kz Polisia.kz-ke silteme jasap.
«Jedel is-sharalardy júrgizý barysynda bizdiń bólimshe qyzmetkerleri 35 jastaǵy L.esimdi azamattyń basqarýyndaǵy avtokóligin toqtatty. Kólikti tekserý barysynda júk salǵyshtan untaqty zat salynǵan 20 baılam jáne eki birdeı polıetılen býmasy tabyldy. Saraptama qorytyndysy boıynsha tárkilengen shóptiń jalpy salmaǵy 4,7 kelini quraıtyn sıntetıkalyq “mefedron” esirtkisi ekendigi anyqtaldy. Qazirgi tańda esirtki taratý joldaryn, arnasyn anyqtap jatyrmyz. Atalǵan derek boıynsha QR QK-niń 296-baby 4-bóligine sáıkes sotqa deıingi tergeý amaldary bastaldy», – dedi Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.