Osy bıznespen aınalysatyn adamdardyń múddeleri qorǵalýy kerek
QR Eńbek jáne halyqty áleýmettik qorǵaý mınıstri Tamara Dúısenova baspanany jalǵa berý qunynyń qymbattaýyna qatysty pikir bildirdi, dep habarlaıdy Almaty-akshamy.kz QazAqparatqa silteme jasap.
«Jalpy, bizde baspana jaldaý naryǵy sońyna deıin rettelmegen jáne onyń basym bóligi –kóleńkede jatyr. Bul máseleni qaraý jáne óz usynystaryn engizý úshin Básekelestikti qorǵaý jáne damytý agenttigine arnaıy jeke tapsyrma berilgen. Jaqynda agenttik osy baǵyt boıynsha óz usynystaryn beredi dep oılaımyn. Meniń jeke pikirim – ıá, bul páter ıeleriniń de, jalǵa alýshylardyń da múddeleri qorǵalatyndaı etip rettelýi kerek», - dedi Tamara Dúısenova Ortalyq komýnıkasıalar qyzmetinde ótken baspasóz máslıhatynda.
Mınıstrdiń aıtýynsha, bul páterdi kimge, qanshaǵa jalǵa berý kerek degendi bildirmeıdi, naryq retinde retteý qajet.
«Jaldaý tizilimi qurylyp, qansha páter jalǵa beriletini, olardyń qansha salyq tólegeni, múddelerin qanshalyqty qorǵaý qajet bolatyny túsinikti bolsa deımin. Mysaly, pandemıa kezinde bıznesi toqtap qalǵandyqtan qansha adam memleketten kómek aldy. Osy turǵydan rettelýi qajet dep oılaımyn, memlekettiń de, osy bıznespen aınalysatyn adamdardyń múddeleri qorǵalýy kerek», - dedi Tamara Dúısenova.