QR Týrızm jáne sport mınıstrligi 2024 jylǵy 17 mamyrdaǵy buıryqpen balalar men jasóspirimderge arnalǵan sport seksıalaryna memlekettik sporttyq tapsyrysty ornalastyrý jáne olardyń jumys isteýi qaǵıdalaryna ózgerister engizdi.
Endi sport seksıasyna qabyldaý kezegi aqparattyq júıede avtomatty rejımde júrgiziledi, dep habarlaıdy Almaty-akshamy.kz.
Sondaı-aq balanyń jáne zańdy ókiliniń tegi, aty, ákesiniń aty (bar bolǵan jaǵdaıda), sport seksıasynyń túri, ótinishtiń nómiri men ýaqyty, sekýndtyń úlesine deıin dálme-dál, kezektegi rettik nómirdi qamtıtyn aqparattyq júıe usynǵan málimetter negizinde bólýge arnalǵan oryndardyń tizimin qamtıdy. Kezek balalardyń zańdy ókilderiniń bergen ótinishi boıynsha balanyń jas shekteýleri eskerile otyryp, ónim berýshiniń árbir sport seksıasy boıynsha jeke qurylady.
İshki ister organdarynda esepte turǵan devıantty minez-qulyqty balalar basym tártippen aqparattyq júıede tirkeledi. Osy normany qosý arqyly erejeler «Bilim týraly» Zańnyń 47-babynyń 5-1-tarmaǵyna sáıkestendirildi.
Budan bólek, túzetýlermen kezektegi pozısıa zańdy ókilderdiń ótinishti qaıtaryp alýyna baılanysty nemese vaýcherdi alý jáne balalardyń kezekten shyǵýy sebebinen kemý jaǵyna qaraı jáne osy vaýcherlerdi ónim berýshi keri qaıtaryp alǵan balalardyń kezekke oralý sebebi boıynsha ósý jaǵyna qaraı jyljýy kózdeledi. Kezekte oryn aýystyrýǵa jol berilmeıdi.
Bul túzetýler normatıvtik quqyqtyq aktini aqparattyq júıeniń qoldanystaǵy fýnksıonalyna sáıkes keltirý úshin engizildi. Máselen, qazir is júzinde kezekte balanyń jáne zańdy ókiliniń aty-jóni, ótinishtiń berilgen kúni, sport seksıasynyń túri, kezektegi rettik nómiri kórsetiledi.