Ótken jyly Qazaqstanda 403,9 myń bala dúnıege keldi, al 2021 jyly 446,4 myń bala týǵan.
Bul derekti Ulttyq statısıka búrosy usynǵan, dep habarlaıdy Almaty-akshamy.kz.
2022 jyly týǵan sábılerdiń 51,5%-y uldar, 48,5%-y qyzdar.
Bul rette jańa týǵan nárestelerdiń basym bóligi (241,4 myń bala nemese 59,8%) qalalarda týǵan, qalǵan 162,4 myń bala - aýyldyq jerlerde (40,2%) týǵan.
2022 jyly týýdyń jalpy koefısıenti 1000 adamǵa shaqqanda 20,57 qurady, 2021 jyly ol 1000 adamǵa shaqqanda 23,50 bolǵan.
Bala týýdyń eń joǵary deńgeıi Mańǵystaý (1000 turǵynǵa 28,53 adam), Túrkistan (27,67) oblystarynda jáne Shymkentke (27,13) baıqalady.
Týýdyń eń tómengi deńgeıi Soltústik Qazaqstan (1000 turǵynǵa shaqqanda 10,96), Qostanaı (12,42) jáne Shyǵys Qazaqstan oblystarynda (12,96) tirkeldi.