Baǵanyń eń kóp tómendeýi Túrkistan oblysynda jáne Nur-Sultan qalasynda
Premer-mınıstr Asqar Mamın Úkimettiń sıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri boıynsha keńes ótkizdi, dep habarlaıdy Almaty-akshamy.kz primeminister.kz-ke silteme jasap.
Jıyn barysynda ótken aptada Qazaqstanda áleýmettik mańyzy bar azyq-túlik taýarlarynyń baǵasy 0,2%-ǵa tómendegeni belgili boldy. Baǵanyń eń kóp tómendeýi Túrkistan oblysynda jáne Nur-Sultan qalasynda (-0,6%), Jambyl oblysynda (-0,3%), Shymkent qalasynda (-0,2%) tirkeldi.
Taýarlar bólinisinde respýblıka boıynsha sábiz (-2,2%), kartop (-0,5%), pıaz jáne rojkı (-0,4%), sıyr eti (-0,3%), kúrish (-0,2%), sút jáne qaraqumyq (-0,1%) baǵasynyń tómendeýi baıqalady. Qalǵan ónimder boıynsha baǵalar turaqty.
Premer-mınıstr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý boıynsha jumysty jalǵastyrýdy tapsyrdy.
«Baǵany tómendetý qarqynyn arttyrý jáne mereke aldyndaǵy kezeńde barlyq qoldanystaǵy quraldardy qoldana otyryp, barynsha baqylaýdy qamtamasyz etý qajet. Taýar ıntervensıasyn ýaqytyly júrgizý jáne kelisimshart jasalǵan kólemderdiń jetkizilýin qamtamasyz etý qajet. Mereke kúnderi taýarlardyń jasandy tapshylyǵyna jol berýge bolmaıdy», - dedi Asqar Mamın.