Indýstrıa jáne ınfraqurylymdyq damý mınıstrligi 1 aqpandy azamattyq avıasıa kúni dep belgileýdi usyndy.
Ashyq úkimet portalynda «QR merekelik kúnderdiń tizbesin bekitý týraly» Úkimettiń №689 qaýlysyna ózgeris pen tolyqtyrý engizý týraly jańa qaýly jarıa talqyǵa shyǵaryldy, dep habarlaıdy Almaty-akshamy.kz.
«Kórsetilgen qaýlymen bekitilgen Qazaqstan Respýblıkasyndaǵy merekelik kúnderdiń tizbesinde: mynadaı mazmundaǵy tarmaqtarmen tolyqtyrylsyn: Qazaqstan Respýblıkasynyń azamattyq avıasıa kúni – 1 aqpan; Keńes áskeri shekteýli kontıngentiniń Aýǵanstan Demokratıalyq Respýblıkasynan shyǵarylǵan kúni – 15 aqpan», - dep jazylǵan qaýly jobasynda.
Indýstrıa mınıstrliginiń málimetinshe, atalǵan bastamany Qazaqstan azamattyq avıasıa kásiporyndarynyń birlesken soǵys jáne eńbek ardagerler keńesi usynǵan.
Jobany qabyldaý teris áleýmettik-ekonomıkalyq jáne quqyqtyq saldarǵa alyp kelmeıdi.