Turǵylyqty jeri aýysqan kezde azamattar avtomatty túrde jergilikti áskerı basqarý organdaryna bekitiledi
Qorǵanys mınıstrligi áskerı mindettiler men áskerge shaqyrylýshylardyń sıfrlyq esebine kóshti, dep habarlaıdy almaty-akshamy.kz Azattyq Ruhy-na silteme jasap.
Qorǵanys mınıstrliginiń baspasóz qyzmeti habarlaǵandaı, buǵan deıin bul ınovasıany zańnamalyq bekitý men ony tehnıkalyq iske asyrý jumystary júrgizilgen bolatyn.
«Osylaısha, «elektrondyq úkimetten» memlekettik basqarýdyń jańa formaty – «kórinbeıtin úkimetke» kóshý júrgizilip jatyr. Onyń máni –shyǵarylǵan sheshimderdiń aýqymy azamattarǵa kórinbeıdi. Memlekettik saıasattyń nazary adamǵa, onyń qajettilikteri men múddelerine baǵyttalǵan», - deıdi vedomstvo ókilderi.
Áskerı esepke alý salasyndaǵy qyzmetter keshenin elektrondyq formatqa aýystyrý Qorǵanys mınıstrliginiń aqparattyq júıelerin basqa memlekettik organdarmen yqpaldastyrýdyń arqasynda múmkin bolyp otyr.
«Endi kelý tártibin talap etetin qyzmetter sıfrlyq formatqa aýystyryldy. Beıbit ýaqytta áskerge shaqyrý jasyndaǵy azamattardy tirkeý týraly kýálikter men áskerı qyzmet ótkermegenderge áskerı bıletter berý toqtatyldy. 17 jastaǵy jigitter úshin jeke isterin jınap, áskerı komısarıattarǵa tirkeýge kelýdiń esh qajeti joq. Qyzmettiń bul túri júıelerdegi qolda bar derekter negizinde avtomatty túrde júzege asyrylady», – dep naqtylady Qarýly kúshter Bas shtaby Uıymdastyrý-jumyldyrý jumysy departamenti bastyǵynyń orynbasary polkovnık Rýslan Omarov.
Budan ózge áskerı mindettiler men áskerge shaqyrylýshylardyń elektrondyq esebi engizildi. Turǵylyqty jeri aýysqan kezde azamattar avtomatty túrde jergilikti áskerı basqarý organdaryna bekitiledi.
«Qyzmetterdi avtomattandyrý azamattardy jumysqa ornalastyrý tártibin de jeńildetedi. Jumys berýshige endi qyzmetkerden áskerı bılet nemese tirkeý kýáligin talap etýdiń qajeti joq. Barlyq derek azamattyń Egov-taǵy jeke kabınetiniń «áskerı qyzmet» bóliminde tur. Eger ondaǵy málimetter sáıkes kelmese nemese jetkiliksiz bolsa, resýrs paıdalanýshylary jeke kabınet arqyly «málimetterdi ózektendirý/túzetý» memlekettik qyzmetin alýǵa ótinim bere alady. Onda tıisti qujattardy qosa beredi», - delingen habarlamada.
Zeınetkerlikke shyqqan kezde áskerı qyzmetti ótkergenin rastaıtyn anyqtama alý úshin jergilikti áskerı basqarý organyna júginý qajettiligi de joıyldy.
Qorǵanys, Eńbek jáne halyqty áleýmettik qorǵaý mınıstrlikteriniń derekterin biriktirýdiń arqasynda «Jeńildikteri bar adamdarǵa (Uly Otan soǵysynyń ardagerlerine, basqa memleketterdiń aýmaǵyndaǵy urys qımyldaryna jáne Chernobyl atom elektr stansıasyndaǵy apat saldaryn joıýǵa qatysýshylarǵa) anyqtamalar berý» memlekettik qyzmeti de alynyp tastaldy.