Ortalyq komýnıkasıalar qyzmetiniń brıfıńinde QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıa tóraǵasynyń orynbasary Lázzat Súleımen qazaqstandyqtardyń reprodýktıvti densaýlyǵy jóninde aıtty, dep habarlaıdy Almaty-akshamy.kz.
Dúnıejúzilik densaýlyq saqtaý uıymy málimetinshe, jyl saıyn búkil álemde 15-19 jas aralyǵyndaǵy 12 mln qyz ana atanady, onyń 777 myńy - 15 jasqa deıingi jasóspirim eken. Jalpy elimizde 18 jasqa deıingi balalar sany 7 mıllıonǵa jýyq, onyń 51,3% - ul, 48,7% - qyz. Qala-aýyl bólinisinde balalar arasyndaǵy uldar men qyzdardyń da úlesi birdeı. Máselen, qalalyq eldi mekenderde uldardyń úlesi 51,7%-ǵa, qyzdar tıisinshe 48,3%-ǵa, al aýyldyq eldi mekenderde uldar - 51,1%-ǵa, qyzdar - 48,9%-ǵa teń. Bala týý jasyndaǵy áıelder sany elimizde 24% (4 738 298), - dedi Áıelder isteri jáne otbasylyq-demografıalyq saıasat jónindegi ulttyq komısıa tóraǵasynyń orynbasary.
Lázzat Súleımenovanyń sózinshe, elimizde jasóspirimder arasynda bosaný men túsik jasatý, jynystyq jolmen beriletin ınfeksıalar, ana men bala ólimi faktileri oryn alýda. Sondyqtan da bul sala – áleýmettik kómekti qajet etetin salalardyń biri. Elimizde árbir altynshy júktilik abortpen aıaqtalady.
Bosaný kezinde analardyń ólimin azaıtýǵa múmkindik beretin sharalar keshenin qabyldaý qajet. Barlyq ýákiletti organdardyń ózara dáıekti jumysy qajet. Elde otbasyn josparlaý kabınetterin jetildirý boıynsha jetkilikti sany jumys isteıdi. Alaıda júktiliktiń 40 paıyzy josparlanbaǵan, al pregravıdarlyq daıyndyqtan ótken juptardyń úlesi 30 paıyzdan aspaıdy, - deıdi ol.