Úkimet eń iri 6 áýejaıdyń aýmaǵynda AEA ashý týraly sheshim qabyldady, dep habarlaıdy aqshamnews.kz.
Infraqurylymdy damytýǵa basa nazar aýdarylýda. Úkimet Memleket basshysynyń tapsyrmalaryn júzege asyrý sheńberinde avıasıa salasyn damytý, sondaı-aq Qazaqstan aýmaǵynda halyqaralyq áýe habtaryn qurý boıynsha jumys júrgizýde.
«Biz elimizdiń eń iri 6 áýejaıy aýmaǵynda arnaıy ekonomıkalyq aımaq ashý týraly sheshim qabyldap otyrmyz», — dep atap ótti Premer-mınıstr Oljas Bektenov. Olar halyqaralyq arenada básekege qabiletti bolýy tıis. Sondyqtan ınfraqurylymdy damytýǵa jáne júk tasymaldaýshylar úshin qolaıly jaǵdaı jasaýǵa basa nazar aýdarylady. Áýe habtaryn damytý maqsatynda, Kólik mınıstrliginiń málimetinshe, AEA ashýdan basqa da birqatar shara qarastyrylǵan. Bul – kedendik ońaılatýlar, júk tasymaldaýshysyn qurý, janarmaımen qamtamasyz etý jáne ınfraqurylymdy jańǵyrtý.Alty áýe habyn jańǵyrtýǵa $2,1 mlrd qarajat tartý josparlanyp otyr.
Premer-mınıstr mýltımodaldy tasymaldaýdy jaqsartýdyń jáne jerústi ınfraqurylymyn jańartýdyń, sonyń ishinde áýe habtaryn avtomobıl jáne temirjoldarǵa qosýdyń mańyzdylyǵyna toqtaldy.