Kólik vıse-mınıstri Maqsat Qalıaqparov Aqmola oblysyna is-saparmen baryp, Kókshetaý – Zerendi tasjolyndaǵy ortasha jóndeý jumystaryn tekserdi. Atalǵan jol boıynda elimizde alǵash ret reversıvti qozǵalys jolaǵy salynady.
Joba aıasynda joldyń eni 7 metrden 11 metrge deıin keńeıedi, dep habarlaıdy aqshamnews.kz.
Kólik mınıstrliginiń málimdeýinshe, jóndeý jumystary tolyq aıaqtalǵan soń, úsh jolaqty qozǵalys júıesi iske qosylyp, onyń bir jolaǵy reversıvti bolady. Bul joldyń ótkizý qabiletin arttyryp, jol-kólik oqıǵalaryn aldyn alýǵa múmkindik bermek. Ásirese jazǵy maýsymda qozǵalys qarqyndylyǵy artqan kezde týrıser men jergilikti turǵyndar úshin bul jol yńǵaıly ári qaýipsiz bolady dep kútilýde.
«Jazǵy ýaqytta Zerendi kýrorttyq aımaǵyna baratyn kólik sany artatyny sózsiz. Jóndeý jumystary 47 shaqyrymdy qamtıdy. Qazir joba aıasyndaǵy jumystar belgilengen kestege saı júrip jatyr», – dedi vıse-mınıstr.
Zerendi kýrorttyq aımaǵy – elimizdegi eń tanymal týrısik baǵyttardyń biri. Munda jyl saıyn Qazaqstannyń túkpir-túkpirinen jáne alys-jaqyn shetelderden myńdaǵan týrıs kelip demalady.
Jalpy 2025 jyly aýqymdy ortasha jóndeý baǵdarlamasy aıasynda respýblıkalyq mańyzy bar 7 myń shaqyrym jol jańartylmaq. Bul jumystar eń aldymen týrısik áleýeti joǵary óńirlerge baǵyttalǵan. Atap aıtqanda, Rahmanov qaınary, Alakól, Qaıyńdy men Kólsaı kólderi, Baıanaýyl, Kendirli, Qorǵaljyn qoryǵy jáne Imantaý-SHalqar kýrorttyq aımaǵyna baratyn joldar. jóndeýden ótedi