Jalǵan aqparatty taratqany jáne ornalastyrǵany úshin ákimshilik jaýapqa tartýǵa qatysty ózgerister engizildi.
Májilistiń jalpy otyrysynda depýtattar «Onlaın-platformalar jáne onlaın-jarnama týraly» zań men oǵan ilespe túzetýlerdi qabyldap, Senatqa joldady, dep habarlaıdy Almaty-akshamy.kz.
Zańnyń mindeti – áleýmettik jelide bolatyn býllıng, azamattardy qorlaý sekildi keleńsiz faktilerden, qarjy pıramıdalarynan azamattardy qorǵaı otyryp, saıası separatızm men ekstremızmniń aldyn alý.
Sondaı-aq jalǵan aqparatty taratqany jáne ornalastyrǵany úshin ákimshilik jaýapqa tartýǵa qatysty ózgerister engizildi.
Jalǵan aqparatty ornalastyratyn nemese taratatyn onlaın- platformalardy paıdalanýshylar úshin – 20 AEK, al kásipkerlik qyzmetpen aınalysatyn blogerler úshin – 40 AEK mólsherinde ákimshilik jaýaptylyq engiziledi.
Joba boıynsha onlaın platformanyń ıesi nemese onyń zańdy ókili balaǵa qarsy kıberbýllıng aqparatty jáne memleketke qarsy kontentti tartqan akkaýnttardy toqtatýǵa mindetti.