Bul týraly Premer-Mınıstr Álıhan Smaıylov aıtty.
Sondaı-aq óńirlerdegi qazaqstandyq ýnıversıtetterdi halyqaralyq deńgeıdegi JOO-ǵa aınaldyrý boıynsha bastamalar iske asyrylyp jatyr, dep habarlaıdy Almaty-akshamy.kz
Elimizge 2029 jylǵa deıin 9 bedeldi sheteldik ýnıversıtetti shaqyrý josparlanyp otyr. Bul týraly Premer-Mınıstr Álıhan Smaıylov Azıa ýnıversıtetteri alánsy (AÝA) samıtiniń aıasynda Astana qalasynda ótip jatqan uıym prezıdentteriniń forýmynda aıtty.
Samıt – Alánstyń negizgi is-sharalarynyń biri, sondaı-aq ǵalymdar, zertteýshiler men saıasatkerler joǵary bilim berý salasyndaǵy ózekti máseleler men damý úrdisterin talqylaıtyn platforma.
Bıyl Nazarbaev Ýnıversıteti qabyldaýshy tarap bolyp otyr.
COVID-19 pandemıasy, tehnologıalyq revolúsıa, jasandy ıntellekttiń damýy jáne basqa da faktorlardan týyndaǵan álemdegi qarqyndy ózgerister ártúrli salalarda, ásirese, bilim berý salasynda ınovasıalyq sheshimderge degen suranysty arttyrýda, – dedi Álıhan Smaıylov.
Álemdegi úrdisterdi eskere otyryp, Qazaqstan 2027 jylǵa qaraı ǵylymı zertteýlerdi qarjylandyrý deńgeıin JİÓ-niń 1%-na deıin jetkizýdi josparlap otyr. Sonymen qatar ekonomıkanyń barlyq salasyn qarqyndy sıfrlandyrý aıasynda Úkimet eńbek naryǵyna qajetti mamandardy tıisti deńgeıde daıyndaý úshin joǵary oqý oryndarynyń sıfrlyq arhıtektýrasyn qalyptastyrý boıynsha jumys júrgizip keledi.
Oǵan qosa, bedeldi sheteldik ýnıversıtettermen aradaǵy yntymaqtastyq nyǵaıyp jatyr. Máselen, tórt halyqaralyq JOO Qazaqstan óńirlerinde óz fılıaldaryn ashty. Olardyń arasynda University of Arizona men Heriot-Watt University bar. 2029 jylǵa deıin kem degende taǵy 9 tanymal ýnıversıtetti shaqyrý josparlanyp otyr.
Qazir óńirlerdegi qazaqstandyq ýnıversıtetterdi halyqaralyq deńgeıdegi oqý oryndaryna aınaldyrý boıynsha bastamalar iske asyrylyp jatyr. Ol úshin oqý oryndaryn jabdyqtaý jáne zertteý zerthanalaryn qurý jumystary júrgizilýde. Atalǵan ortalyqtar óńirlerdegi standartty kóterip, akademıalyq jáne ǵylymı damýǵa yqpal etetin bolady, – dedi Álıhan Smaıylov.