Tashkentte bokstan álem chempıonatynyń jartylaı fınaldyq jekpe-jegi bastaldy.
Baıraqty dodada qazaqstandyq bes boksshy baq synaıdy, dep habarlaıdy Almaty-akshamy.kz Egemen.kz-ke silteme jasap.
Kúndizgi sesıada birinshi bolyp reseılik Edmond Hýdoıan men Sanjar Táshkenbaı (48 keli) judyryqtasty. Jekpe-jektiń alǵashqy mınýttarynan-aq qazaq boksshysy óziniń taktıkasyn qoldana bastady. Nátıjesinde úsh raýndta da senimdi túrde jeńiske jetti. Esep - 5:0.
Osylaısha, S.Táshkenbaı 2023 jylǵy álem chempıonatynyń fınalyna joldama aldy. Ol óz mansabynda alǵash ret «altyn» úshin jekpe-jek ótkizedi.
Buǵan deıin qazaqstandyq boksshy Mahmud Sabyrhan fınalǵa joldama alǵan edi.