Abaı kúnine oraı Ulttyq statısıka búrosy uly oıshyldyń esimimen attas qazaqstandyqtar týraly statısıkany usyndy.
Búginde elimizde Abaı esimi qoıylǵan 18 452 adam turady. Aqynmen attas turǵyndar sany Túrkistan oblysynda kóp kezdesedi – 2 050 adam. Sondaı-aq uly aqynnyń esimi berilgen adam sany Astanada kóp – 1 930 adam. Alǵashqy úshtikti Abaı esimdi 1 588 adam turatyn Almaty oblysy túıindeıdi, dep habarlaıdy Almaty-akshamy.kz.
Al aqynnyń týǵan ólkesinde 238 Abaı turady.
Jas quramyn aıtsaq, 17 jasqa deıingi Abaı esimdi 4 297 bala bar, al 18 ben 44 jas aralyǵyndaǵy Abaılardyń sany 8 231 adam.