Prezıdent tıisti zańǵa qol qoıdy.
Memlekettik nagradalar júıesindegi burynnan bar 6 qurmetti ataqtyń qatary artty, dep habarlaıdy aqshamnews.kz
Endi ǵalymdar men ónertapqyshtarǵa, ınjenerlerge, sáýletshilerge jáne qurylysshylarǵa, kenshiler men shahterlerge, geologtarǵa, ónerkásip, kólik, aýyl jáne sý sharýashylyǵy salasynyń qyzmetkerlerine de marapattar beriletin bolady. Bul týraly Erlan Qarın habarlady.
«Qajyrly eńbektiń memlekettik deńgeıde baǵalanýy barsha kásip ıesine erekshe shabyt beredi jáne eńbek adamynyń bedelin odan ári kóterýge septigin tıgizedi. Bul zańǵa Memleket basshysy «Jumysshy mamandyqtar jyly» dep jarıalaǵan jańa 2025 jyldyń qarsańynda qol qoıylýynyń sımvoldyq máni bar», - dep jazdy Memlekettik keńesshi.