Bul - 2021 jyldyń birinshi jartyjyldyǵyndaǵy kórsetkish, úı sanymen eseptegende 56 myń baspana.
2021 jyly turǵyn úıdi paıdalanýǵa berý kólemi barlyq óńirde ulǵaıdy, dep habarlaıdy Almaty-akshamy.kz QR IIDM telegram kanalyna silteme jasap.
Atyraý (188,1%), Qostanaı (120,9%), Jambyl (114,9%), Shyǵys Qazaqstan (110,5%) jáne Qaraǵandy (110%) oblystary kósh basynda.
«Nurly jer» baǵdarlamasy aıasynda bıyl 17 mln sh.m jańa turǵyn úı nemese 163 myń baspana salý josparlanyp otyr. Onyń ishinde memlekettik ınvestısıalar esebinen - 1,4 mln m2 turǵyn úı nemese 48,3 myń páter salynady.
«Nurly jer» baǵdarlamasynyń maqsaty – baspananyń qoljetimdiligi men jaılylyǵyn arttyrý jáne turǵyn úı ınfraqurylymyn damytý.
Ol úshin kelesi tetikter qoldanylady:
* ıpotekalyq turǵyn úı qaryzdaryn sýbsıdıalaý,
* qurylys salýshylardyń qaryzdaryn sýbsıdıalaý,
* qurylys ýchaskelerine ınjenerlik-tehnıkalyq ınfraqurylym tartý, onyń ishinde jeke qurylysqa arnalǵan aýdandar da qamtylady.