Ásirese, matematıka jáne orys tili men ádebıeti pánderiniń muǵalimderine suranys joǵary.
Qazir Qazaqstan mektepterinde 2817 pedagog jetispeıdi. Onyń ishinde qalalyq mektepterde – 1312, aýyldyq mektepterde – 1505 maman. Oqý-aǵartý mınıstrligi Informburo portalynyń suraý hatyna bergen jaýabynda muǵalim tapshylyǵy máselesin qalaı sheship jatqanyn túsindirdi, dep habarlaıdy almaty-akshamy.kz.
Oqý-aǵartý mınıstrliginiń málimetinshe, 2024 jylǵy jaǵdaı boıynsha kelesi pánderden sabaq beretin muǵalimder jetpeıdi:
matematıka – 640;
orys tili men ádebıeti – 340;
fızıka – 236;
bastaýysh synyp – 227;
hımıa – 204;
ınformatıka – 199;
aǵylshyn tili – 169;
mýzyka – 152;
tarıh – 149;
kórkem eńbek – 143;
geografıa – 97;
bıologıa – 72;
qazaq tili men ádebıeti muǵalimderi – 63;
basqalary – 89."Muǵalim tapshylyǵy máselesin sheshý úshin elimizdiń 4 óńirinde 2022 jyldan bastap Qazaqstan Respýblıkasy úkimetiniń 2022 jylǵy 13 maýsymdaǵy № 390 (Atyraý, Almaty, Mańǵystaý jáne Túrkistan oblystary) qaýlysymen bekitilgen arnaıy baǵdarlama iske asyrylyp jatyr. Maqsatty óńirlerge barlyǵy 58 pedagog jumysqa ornalastyryldy (Almaty – 27, Atyraý – 8, Mańǵystaý – 9, Túrkistan – 14). 2023 jyly 11 úmitker áńgimelesý kezeńinen ótti. Qazirgi ýaqytta osy úmitkerlerdi nysanaly óńirlerde jumysqa ornalastyrý boıynsha jumystar júrgizilip jatyr. Bul baǵdarlama 2027 jylǵa deıin jalǵasady. Sonymen qatar óńirlerde pedagogıkalyq mamandyqtarǵa memlekettik bilim berý grantyna oqýǵa qarjy bólý boıynsha sharalar qabyldanyp jatyr", – delingen jaýapta.
Sonymen qatar, kelesi sharalar júzege asyrylýda:
pedagogıkalyq baǵyttarda oqıtyn joǵary oqý oryndarynyń stýdentteri úshin stıpendıa mólsheri 58 myńnan 67 myń teńgege deıin ulǵaıtyldy;
pedagogıkalyq bilimi joq adamdar úshin pedagogıkalyq qaıta daıarlaý boıynsha jumys jalǵastyryldy;
jyl saıyn, 2020 jyldan bastap pedagogterdiń jalaqysy 2 ese artty.
"Pedagogter jetispeýshiligi máselesi joǵary jáne joǵary oqý ornynan keıingi bilim berý uıymdarynyń mamandary men túlekteriniń kelýi esebinen sheshiledi. Mysaly, 2023-2024 oqý jylynyń aldyn ala shyǵarylymy 55 178 adamdy quraıdy (2022 jyly – 55 330 adam), onyń ishinde memlekettik tapsyrys boıynsha – 9150 adam. Pedagogıkalyq mamandyqtar boıynsha magıstratýra – 9501 adam, onyń ishinde memlekettik tapsyrys boıynsha – 3115 adam. Shekti deńgeıden ótken túlekter de konkýrstyq negizde jumysqa ornalasatyn bolady. Sonymen qatar, pedagogterdi qabyldaý erejelerine ózgerister engizildi, oǵan sáıkes tájirıbeli pedagogtar úshin de, jas mamandar úshin de teń múmkindikter jasaldy. Mysaly, joǵary oqý oryndaryn úzdik bitirgen, jergilikti atqarýshy organdardyń memlekettik bilim berý tapsyrysy boıynsha oqýdan ótken adamdar sertıfıkattaýdan ótkeni týraly qujat bolǵan kezde konkýrstyq rásimderden ótpeı jumysqa qabyldanady", – dep eske saldy mınıstrlik ókilderi.