Joba oqý oryndarynyń jetispeýshiligi máselesin sheship, úsh aýysymdy mektepterdi azaıtady.
Qazir óńirlerde jer ýchaskeleri belgilenip, tehnıkalyq baqylaý boıynsha merdigerler anyqtalǵan. Qurylys jumystaryna jergilikti basqarý organdary da monıtorıń júrgizedi, dep habarlaıdy Almaty-akshamy.kz 24.kz-ke silteme jasap.
Elimizdiń kez kelgen azamaty onyń barysyn onlaın rejımde qadaǵalap, ózin qyzyqtyrǵan qujattarmen tanysa alady. Jobany iske asyrýda, otandyq óndirýshilerdi qoldaý tetikteri zańnamalyq turǵyda bekitilgen. Mektepke arnalǵan oqý jabdyqtary men jıhazdar tek qazaqstandyq taýar óndirýshilerden satyp alynady.
«Túrkistan oblysynda 63 mekteptiń qurylysy, Almaty oblysynda 53 mekteptiń qurysyly, Astana qalasynda 24, Almaty qalasynda 22 mekteptiń qurylysy josparlanyp otyr. Bilim berý uıymdarynda qoldanylatyn taýarlar men jabdyqtarǵa qaıylatyn talaptar bar. Osy talaptarǵa sákes bolǵanda kez-kelgen otandyq óndirýshi bul jobaǵa qatysa alady. Onyń ústine, Úkimet qaýlysymen otandyq óndirýshilerge sharalar qabyldanyp otyr», - deıdi QR oqý-aǵartý vıse-mınıstri Edil Ospan.