Álem boıynsha 6 myńǵa jýyq qar barysy qalǵan.
Samarqanda bas qosqan sarapshylar álemde sırek kezdesetin ańdy saqtap qalýdyń jahandyq baǵdarlamasyn júzege asyrýǵa ýaǵdalasty, dep habarlaıdy Almaty-akshamy.kz
Qar barysyn qorǵaýdy birneshe memleket birigip qolǵa alady. Jıynǵa qazaqstandyq ekologtar da qatysty. Taýly aımaqty mekendeıtin barys álemniń 12 elinde kezdesedi. Sonyń biri – Qazaqstan. Jahandyq jylyný men muzdyqtardyń erýi saldarynan barystar júretin ekojúıe tarylyp barady. Sondyqtan yntymaqtasa áreket etýdiń mańyzy zor.
Barys mekendeıtin elderdiń ekologıa mınıstrleri men halyqaralyq qarjy uıymdarynyń ókilderi birlesip, qar barysyn qorǵaý boıynsha qarar qabyldady.
«Qazaqstanda qar barysynyń turaqty ósimi baıqalady, bul qýantarlyq jaǵdaı. Qazir elimizde barystardyń sany 190-ǵa jýyqtaıdy. 15 qoryq pen ulttyq saıabaqtardy mekendeıtin bul jabaıy ań memlekettiń erekshe qorǵaýynda. Qar barysynyń popýlásıasyn saqtaý boıynsha júrgizilgen sharalar oń nátıjesin berip keledi», dedi QR ǴJM zoologıa ınstıtýtynyń ókili, qar barysyn baqylaý ortalyǵynyń jetekshisi Alekseı Grachev.