Týrızm jáne sport mınıstrligi ózin qumar oıyndardan shektegender týraly jańartylǵan málimet taratty, dep habarlaıdy aqshamnews.kz.
2024 jyldyń 7 qazanyna deıin ózin qumar oıyndardan shektegender týraly jańartylǵan málimet:
eGov mobile arqyly – 161 707 adam;
jazbasha – 2 816 adam.
Týrızm jáne sport mınıstrligi Oıyn bıznesin jáne lotereıany retteý komıtetiniń málimetine sáıkes, qumar oıyndarǵa qatysýdan ózin shektegender arasynda eń kóp úles 31-35 jas aralyǵyndaǵy azamattarǵa tıesili:
eGov mobile arqyly – 38 180 adam (jalpy sannyń 24,27%);
jazbasha – 878 adam (jalpy sannyń 29,77%).
2024 jyldyń 18 naýryzynda bastalǵan ózin qumar oıyndardan, bás tigýden shekteý boıynsha onlaın qyzmetti engizý jónindegi mınıstrliktiń pılottyq jobasy oń nátıje kórsetip, qumar oıyndarǵa qatysýdyń tómendeýine yqpal etip keledi.