Soltústik Qazaqstan oblysynda mal ósirýshilerdiń sleti ótti. Respýblıkalyq jıynda elimizdiń túkpir-túkpirinen jınalǵan 500-ge tarta aýyl sharýashylyǵy salasynyń maman bas qosty.
Kórmede sharýalar asyl tuqymdy mal men óz ónimderin kópshilik nazaryna usyndy. Salanyń úzdik mamandary marapattalyp, sporttyq oıyndardan jarys uıymdastyryldy.
«Mal sharýashylyǵyn órkendetý, damytý, zamanaýı tehnologıalardy tanystyrý, mal sharýashylyǵynyń statýsyn kóterý, osy jumysty, ata kásipti odan ári nasıhattaý – basty maqsat», - deıdi QR ASHM mal sharýashylyǵy departamenti dırektorynyń m.a Erlan İlıasov.
Qazaqstanda 10 mıllıon bas iri qara tirkelgen. Sonyń 1 mılıonnan astamy – asyl tuqymdy. 23 mıllıon qoı, 4 mıllıon jylqy baǵylady. Maqsat – mal sharýashylyǵyn odan ári damytyp, tórt-túliktiń sanyn arttyrý. Byltyr alǵash ret Jambyl oblysynda uıymdastyrylǵan shara bıyl teriskeıde jalǵasyn tapty. Óńirde aýyl sharýashylyǵy salasynda serpin bar. Sońǵy 4 jylda 22 ferma ashyldy. 2026 jylǵa deıin olardyń sany 52-ge jetpek.
«Táýligine 25 tonna sút óndiremiz. Bir sıyr 33 lıtr aq beredi. Bastysy, kútimi jaqsy bolýy kerek. Qazir mundaı kórsetkishterge eshkim tań qalmaıdy. Aýyl sharýashylyǵy salasy tyń tehnologıalardy qoldanysqa engizýde», - deıdi sharýashylyq jetekshisi Ivan Zenchenko.