DDSU-nyń S vırýstyq gepatıtin joıý boıynsha jahandyq baǵdarlamasy bar
Bul týraly elimizdiń gepatologtary men gastroenterologtarynyń V Ulttyq kongresinde DSM bas shtattan tys gastroenterolog-gepatolog dárigeri Kúlpash Qalıasqarova málimdedi, dep habarlaıdy Almaty-akshamy.kz Baq.kz-ke silteme jasap.
Álemdik statısıka kórsetip otyrǵandaı, halyq arasynda baýyr aýrýynyń taralýy ólim-jitim sebepteriniń ondyǵyna kiredi. Onyń ishinde, asqazan-ishek joldary aýrýlarynyń qurylymynda baýyr aýrýlarynan adamdar kóp qaıtys bolady. Atap aıtsaq, sırroz birinshi orynda tur. Baýyr sırrozyna vırýstyq gepatıt, baýyrdyń alkogoldik jáne alkogoldik emes maımen zaqymdanýy, sondaı-aq aýtoımmýndy jáne metabolızmdik aýrýlar sebep bolady, - dep atap ótti shtattan tys gastroenterolog-gepatolog.
Aıtýynsha, DDSU qolǵa alǵan sharalar aldaǵy on jyl ishinde jer betinde gepatıtti aıtarlyqtaı azaıtady.
DDSU-nyń S vırýstyq gepatıtin joıý boıynsha jahandyq baǵdarlamasy 2030 jylǵa qaraı álemde gepatıttiń atalǵan túrin 90%-ǵa deıin azaıtýy tıis. Qazaqstan Orta Azıa men TMD keńistiginde vırýstyq gepatıtpen kúreste kósh bastap tur. Bizdiń barlyq pasıentterimiz tegin kepildendirilgen medısınalyq kómek kólemi arqyly vırýsqa qarsy preparattarmen qamtylǵan, - dedi Kúlpash Qalıasqarova.