Almaty – adamdarǵa arnalǵan jahandyq qala

Almaty qalasynyń ákimdigi men «Almaty qalasyn damytý ortalyǵy» AQ «Almaty qalasyn damytýdyń 2025 jylǵa deıingi josparynyń negizgi basymdyqtary jáne 2030 jylǵa deıingi orta merzimdi perspektıvalary» atty jobany jalpy talqylaýǵa usyndy, dep habarlaıdy Almaty-akshamy.kz.
Qujattyń basty maqsaty – megapolıstiń barlyq turǵyndarynyń ómir súrý deńgeıin sapaly arttyrý.
Almaty eń iri qala, 3 mln. adamnan astam halyq turatyn aglomerasıa ortalyǵy. Elimizdegi saýda operasıalarynyń 36%- ten astamy Almatyda jasalady. Eldiń JİÓ 1/5-ke jýyǵyn,  QR búdjettik túsimderiniń 1/4-ten astamyn bizdiń qalamyz beredi. Sonymen qatar shaharda QR stýdentteriniń 30%-i (255 myń), 8 JOO QS World University Rankings 21/22 úzdik 1000-ta bar.  Almatyda 322 mádenıet oshaǵy bar. Sport obektileri de eń kóp shoǵyrlanǵan (3,6 myń).
Almaty halqy sońǵy 10 jylda 500 myńnan astam adamǵa ósti, sonymen birge qalanyń áleýmettik, kólik jáne basqa da ınfraqurylymyna túsetin júkteme edáýir ósti. Qazirgi ózgermeli jaǵdaıda qalalardyń damýynda zamanaýı jahandyq úrdister eskerilýi tıis.
Búginde  qala turǵyndaryn
- 49%-in tómengi tabys deńgeıi,
- 37%-in jumyssyzdyq jáne jumysqa ornalasýdaǵy qıyndyqtar
- 54% saýalnamaǵa qatysqan Almaty turǵyndaryn azyqtúlik, birinshi kezekte qajet taýarlar baǵasynyń, TKSH qyzmetteri tarıfteriniń ósýi alańdatady eken.
Qujatta qordalanǵan máselelerdi, halyqaralyq tájirıbeni, áleýmettik zertteýlerdiń nátıjelerin, Almatynyń tarıhı rólin, onyń mártebesin, ekonomıkalyq áleýetin jáne aǵymdaǵy ahýaldy eskere otyryp anyqtalǵan qalany damytýdyń qysqa jáne orta merzimdi basymdyqtary kórsetilgen. 
Óz pikirińizdi 1 shildege deıin tómendegi silteme arqyly «Almaty qalasyn damytý ortalyǵy» AQ saıtynda qaldyra alasyz.