2021 jyldyń 10 qyrkúıegine deıin jalǵasatyn baıqaý aıasynda Ekologıa jáne bıoalýantúrlilikti qorǵaý salasyndaǵy zańdy jáne jeke tulǵalar óz nomınanttaryn ártúrli sanattar boıynsha usyna alady.
«Elim-aı» syılyǵyn «Respýblıka-Óńir-Damý» QQ taǵaıyndaǵan jáne 2020 jyldan bastap QR Ekologıa, geologıa jáne tabıǵı resýrstar mınıstrliginiń qoldaýymen ótkiziledi, dep habarlaıdy Almaty-akshamy.kz atalǵan mınıstrliktiń baspasóz qyzmetine silteme jasap.
Syılyq jyl saıyn qorshaǵan ortany qorǵaýǵa eleýli úles qosqan zańdy jáne jeke tulǵalarǵa tabıǵatty utymdy paıdalanǵany, tabıǵatty qorǵaý maqsatyndaǵy ǵylymı qyzmeti úshin beriledi.
Arnaıy qurylǵan komısıa usynylǵan qujattardy qaraıdy jáne syılyq alýǵa úmitkerlerdi irikteıdi. Baıqaý nátıjeleri 2021 jylǵy 19 qyrkúıekte Halyqaralyq orman sharýashylyǵy qyzmetkerleri kúninde jarıalanady.
Syılyqty marapattaý rásimi QR Orman sharýashylyǵy qyzmetkerleri kúni qarsańynda - qazannyń úshinshi jeksenbisinde ótedi.
Baıqaý jeńimpazdary kelesi nomınasıalar boıynsha marapattalady:
Janýarlar dúnıesin qorǵaý jónindegi úzdik ınspektor;
Úzdik ormanshy;
Úzdik balyq ósirýshi;
Eń jaqsy panajaı;
Úzdik ulttyq park;
Úzdik qoryq;
Úzdik volonter;
Tabıǵatty qorǵaý týraly úzdik jýrnalısik materıal;
Janýarlarǵa arnalǵan eń jaqsy baspana;
Jasyl qala.
Laýreattar «Elim-aı» syılyǵynyń ataýly músinshelerimen, dıplomdarmen jáne baǵaly syılyqtarmen marapattalady.