Ekpe - indetti jeńetin tóte jol.
Almatynyń Túrksib aýdanynyń turǵyndaryn vaksınalaný qarqynyn arttyrýǵa shaqyrdy
Túrksib aýdanynyń ákimi Baqytjan Aqjarov Óńirlik komýnıkasıalar qyzmetiniń baspasóz konferensıasynda qala turǵyndaryn vaksınalanýǵa jaýapkershilikpen qaraýǵa shaqyrdy, dep habarlaıdy Almaty-akshamy.kz.
Búginde aýdanda 101 myńnan astam adam ekpe aldy. Alaıda bul ujymdyq ımýnıtetti qalyptastyrý úshin jetkiliksiz.
B. Aqjarov qalada koronavırýstyq ınfeksıanyń órshýine oraı qatardaǵy aýrýhanalardyń COVID-19 juqtyrǵan naýqastarǵa kómek kórsetý úshin qaıta beıimdelgenin eske saldy.
«Aýdannyń emhanalaryna 247 myń adam bekitilgen, 148 603 adam vaksınalaýǵa jatady, onyń ishinde búginde 101 206 turǵyn vaksınalanǵan. Aýdanda vaksınalar qory jetkilikti, 23 egý pýnktteri ornalastyryldy, oǵan 34 brıgada men 163 medısına qyzmetkeri jumyldyrylǵan. Bizdiń dárigerler vaksınalanýdyń barynsha qoljetimdi jáne yńǵaıly etý úshin bárin jasaýda. Men áli vaksına almaǵandardy ekpe saldyrýǵa shaqyramyn», - dedi B. Aqjarov.
Aýdan ákimi Almaty turǵyndarynyń jaýapkershiligi men uıymshyldyǵy joǵary bolǵan saıyn, adamdardyń densaýlyǵy men ómirin saqtaıtynyn aıtty.
B. Aqjarov aýdanda kásiporyndardaǵy, uıymdardaǵy, qurylys alańdary men shaǵyn aýdandardaǵy ekpe pýnktterinde turǵyndardy vaksınalaý jalǵasatynyn aıtty.
Eske salsaq, Almatyda 771 myńnan astam turǵyn koronavırýs ınfeksıasyna qarsy egilgen. Vaksınasıa zamanaýı jáne qaýipsiz preparattarmen júrgiziledi. Jalpy alǵanda, qalada medısınalyq uıymdarda, mektepterde, mádenı jáne sporttyq nysandarda, bazarlar men saýda oıyn-saýyq ortalyqtarynda 160 ekpe pýnkti bar.