Atalǵan jarys 18 qyrkúıekte márege jetedi
Qazaqstannyń birinshi, álemniń 25-raketkasy Elena Rybakına Portoroj (Slovenıa) WTA 250 jarysyn jeńispen bastady, dep habarlaıdy Almaty-akshamy.kz QazAqparatqa silteme jasap.
Osy dodanyń úshinshi raketkasy bolyp tirkelgen qazaqstandyq tenısshi bastapqy kezdesýin dúnıejúzilik reıtıńte 173-orynda turǵan germanıalyq Laýra Zıgemýndpen ótkizdi.
Birinshi partıada nemis sportshysy taı-breıkte sátti oınady - 7:6 (7:4).
Ekinshisinde Elena ese qaıyrdy - 6:4.
Sheshýshi, úshinshi sette E.Rybakına jeńisti julyp aldy - 7:6 (10:8).
Úsh saǵat 23 mınýtqa sozylǵan tartysty báseke barysynda qazaqstandyq tenısshi 15 eıs jasap, 19 breık-poınttyń beseýin paıdalana bildi. Qarsylasy 4 breıkten asa almady.
E.Rybakına ekinshi aınalymda álemniń 66-raketkasy, chehıalyq Tereza Martınsovamen sheberlik baıqasady. Ol reıtıńide 85-satydaǵy ulybrıtanıalyq Herrıet Dartty utty - 0:6, 6:4, 6:1.
Atalǵan jarys 18 qyrkúıekte márege jetedi.
Eske sala keteıik, budan buryn tenısten Devıs kýbogynda Qazaqstan Nıderlandy komandasymen kezdesetinin jazǵan bolatynbyz.
Sondaı-aq qazaqstandyq tenısshi Ystanbul týrnıriniń ekinshi aınalymyna shyqty.