Qazaqstannyń kóshbasshy tenısshisi tórtinshi aınalymda Fılıpp Shatre kortynda dúnıejúzilik reıtıńide 2017 jyly úshinshi orynǵa deıin kóterilgen, qazir 19-satyda turǵan ýkraınalyq Elına Svıtolınaǵa qarsy keldi, dep habarlaıdy almaty-akshamy.kz.
Qarsylastar osyǵan deıin úsh ret kezdesip, sonyń ekeýinde ýkraınalyq tenısshi basym túsken edi. Sonyń ishinde Tokıo olımpıadasynda qola júlde úshin básekede Svıtolınanyń baǵy janǵan-dy.
Bul joly sportshylar machty breık almasýmen bastady. Esep 2:2 bolǵan mezette Rybakına taǵy bir breıkpen alǵa shyqty – 4:2. Sodan keıin setke dop bergende, sátti oınady – 6:4.
Ekinshi setti Elena breıkpen bastady – 2:0. Esepti 4:1-ge jetkizgenimen, Svıtolına da barynsha tyrysyp baqty – 3:4. Degenmen Rybakına machty breıkpen túıindedi – 6:3.
Elena Rybakına jartylaı fınalǵa shyǵý úshin álemniń 15-raketkasy, ıtalıalyq Iasmıne Paolını nemese reıtıńide 70-oryndaǵy reseılik Elına Avanesánnyń qaı jeńgenimen sheberlik baıqastyrady.