Dop bergen sátti múlt jiberdi.
Qazaqstannyń birinshi, álemniń 17-raketkasy Elena Rybakına Rım WTA 1000 týrnıriniń ekinshi aınalymyna ótti, dep habarlaıdy Almaty-akshamy.kz Olympic.kz silteme jasap.
Qazaqstandyq tenısshi alǵashqy aınalymda irikteý saıystary jeńimpazdarynyń biri, dúnıejúzilik reıtıńte 146-orynda turǵan 19 jastaǵy reseılik Elına Avanesánmen sheberlik baıqasty. Birinshi partıada esep 4:4 bolǵan mezette Rybakına tórtinshi breıkke qol jetkizip, sosyn óz geımin de aldy – 6:4. Ekinshi sette esep 5:3 bolǵan kezde dop bergen Avanesán óz múmkindigin paıdalana almady. Budan keıin qatarynan úsh geımdi alǵan Elena machqa dop bergen sátti múlt jiberdi – 6:6. Degenmen, taı-breıkte Elena qarsylasyna birde-bir upaı bergen joq – 7:6 (7:0). Bir saǵat 50 mınýtqa sozylǵan mach barysynda qazaqstandyq sportshy 2 eıspen birge 10 breık-poınttyń altaýyn paıdalandy. Qarsylasy 5 breıkpen (11 breık-poınt) erekshelendi.
Rybakına júlde qory 2,5 mln eýrodan asatyn jarystyń úshinshi aınalymyna shyǵý úshin reıtıńte 102-satydaǵy amerıkalyq Loren Devıspen talasady. Negizgi týrnırge irikteý saıystarynan qosylǵan Devıs alǵashqy aınalymda álemniń 13-raketkasy, 2017 jylǵy Rolan Garros dodasynyń jeńimpazy, latvıalyq Elena Ostapenkony 6:2, 6:3 esebimen joldan taıdyrdy.