Qazaqstannyń birinshi, álemniń 4-raketkasy Elena Rybakına Brısben (Aýstralıa) WTA 500 týrnırinde jańa jyldaǵy betashar machyn ótkizedi, dep habarlaıdy almaty-akshamy.kz.
Jarysty ekinshi aınalymnan bastaıtyn qazaqstandyq tenısshi dúnıejúzilik reıtıńte 124-orynda turǵan aýstralıalyq Olıvıa Gadekımen synǵa túsedi.
Báseke Astana ýaqytymen saǵat 14.30-da bastalady.
Júlde qory 1,7 mln dollardan asatyn atalmysh dodada E.Rybakına ekinshi raketka bolyp tirkelgen. Týrnır jeńimpazy 220 myń dollar tabys taýyp, 500 reıtıńilik upaıǵa ıe bolady.
Taǵy bir qazaqstandyq, álemniń 190-raketkasy Denıs Evseev Kanberra (Aýstralıa) chellendjer týrnıriniń ekinshi aınalymynda reıtıńte 167-oryndaǵy chehıalyq Iakýb Menshıkke jol berdi – 4:6, 4:6. Sóıtip, shırek fınalǵa shyǵa almady.