Ol "Rolan Garros" jarysynyń shırek fınalynda Ons Jaberdi jeńgennen keıin osy dárejege jetti.
Qazaqstandyq tenısshi Elena Rybakına "Rolan Garros" qorytyndysy boıynsha álemniń úshinshi raketkasy atandy, dep habarlaıdy Almaty-akshamy.kz
Buǵan deıin WTA reıtıńiniń jańartylǵan nusqasynda keminde eki satyǵa tómendeıtin álemniń resmı úshinshi raketkasy – amerıkalyq Djessıka Pegýla qarsylasynan jeńilgen bolatyn.
Pegýla úshinshi aınalymda belgıalyq Elıs Mertensten 1:6, 3:6 esebimen jeńilip qaldy.
Keshe týnıstik Ons Jaber jeńildi. Rybakınany qýyp jetý úshin ol "Rolan Garrosta" jeńýi kerek boldy. Alaıda brazılıalyq tenısshi Beatrıs Haddad-Maııa (álemniń 14-shi raketkasy) "Rolan Garrostyń" shırek fınalynda úsh kezdesýde de týnıstik álemniń jetinshi raketkasy Ons Jaberdi utyp (3:6, 7:6 ( 7:5), 6:1) jartylaı fınalǵa shyqty.
Aıta keteri, buǵan deıin Elena Rybakına "Rolan Garros" jarysyna qatyspady.
Qazaqstannyń úzdik tenısshisi tórtinshi raýndta qyzýy kóterilip, ózin álsiz sezinýine baılanysty ıspanıalyq Sara Torıbes-Sormomen kezdesýden bas tartty.