Elena Rybakına Maıamıde álemniń úshinshi raketkasyn jeńip, fınalǵa shyqty
Qazaqstannyń birinshi, álemniń 7-raketkasy Elena Rybakına Maıamı WTA 1000 týrnıriniń jartylaı fınalynda jeńiske jetip fınalǵa shyqty, dep habarlaıdy almaty-akshamy.kz.
Budan buryn jazǵanymyzdaı, birinshi sette Elena Rybakına taı-breıkte qarsylasynan basym túsken edi.
Jańbyrǵa baılanysty úzilisten keıin mach qaıta jalǵasty.
Ekinshi sette D.Pegýla breık jasap, 3:1 esebimen alǵa ketti. Degenmen Elena tarazy basyn teńestirip qana qoımaı, ózi alǵa shyqty – 5:4. Aqyry machqa dop bergende, óz múmkindigin jibergen joq – 6:4. Osyǵan deıin E.Rybakına D.Pegýladan eki ret jeńilse, sonyń esesin búgin qaıtardy.
Bir saǵat 52 mınýtqa sozylǵan tartysty báseke barysynda qazaqstandyq tenısshi 11 eıs jasap, 15 breık-poınttyń altaýyn paıdalandy. Qarsylasy 1 eıs, 5 breıkpen (11 breık-poınt) kózge tústi.
E.Rybakına fınalda álemniń 12-raketkasy, chehıalyq Petra Kvıtova nemese reıtıńte 74-satydaǵy rýmynıalyq Sorana Kyrstányń bireýimen talasady.