Serik Jarasbaev «Almaty» olımpıadaǵa daıyndyq ortalyǵy dırektory qyzmetine taǵaıyndaldy.
Mádenıet jáne sport mınıstri Asqat Oralov Serik Jarasbaevqa Hanchjoýdaǵy Jazǵy Azıada men Parıjdegi Olımpıada qarsańynda sportshylardyń daıyndyǵyn kúsheıtýdi mindettedi, dep habarlaıdy Almaty-akshamy.kz QR Mádenıet jáne sport mınıstrliginiń baspasóz qyzmetine silteme jasap.
Mınıstr Serik Jarasbaevtyń sport salasynyń túrli salalaryndaǵy: jas sportshylardy jattyqtyrýdan bastap mınıstrliktiń qoldaýymen aýqymdy jobalardy iske asyrýǵa deıingi baı tájirıbesin erekshe atap ótti.
Serik Jarasbaev 1984 jyly Soltústik Qazaqstan oblysynda dúnıege kelgen. M. Qozybaev atyndaǵy Soltústik Qazaqstan memlekettik ýnıversıtetin, Reseı halyqaralyq olımpıada ýnıversıtetin támamdaǵan.
Mamandyǵy - dene shynyqtyrý jáne sport, memlekettik jáne jergilikti basqarý, sporttyq ákimshilendirý.
2006-2007 jyldary Petropavldaǵy balalar-jasóspirimder sport mektebinde bokstan jattyqtyrýshy-oqytýshy, nusqaýshy-sportshy bolyp jumys istedi.
2007-2010 jyldary — Soltústik Qazaqstan oblysy Týrızm, dene shynyqtyrý jáne sport basqarmasynyń bas mamany, oqý-sport bóliminiń basshysy.
2011-2012 jyldary QR Týrızm jáne sport mınıstrliginiń Sport komıtetiniń Ǵylymı-ádistemelik qamtamasyz etý, ınovasıalyq tehnologıalar jáne bilim basqarmasynyń sarapshysy, bas sarapshysy; SQO Týrızm, dene shynyqtyrý basqarmasy basshysynyń orynbasary bolyp jumys istedi.
2012-2014 jyldary QR Sport jáne dene shynyqtyrý isteri agenttiginiń Joǵary jetistikter sporty jáne sport rezervi departamentiniń Jazǵy sport túrleri basqarmasynyń basshysy, Sport jáne dene shynyqtyrý isteri agenttiginiń Joǵary jetistikter sporty jáne sport rezervi departamentiniń dırektory qyzmetterin atqarǵan.
2014-2018 jyldary QR MSM Sport jáne dene shynyqtyrý isteri komıteti tóraǵasynyń orynbasary boldy. 2018-2019 jyldary QR MSM Sport jáne dene shynyqtyrý isteri komıtetiniń tóraǵasy qyzmetin atqardy.
2019-2021 jyldary — QR MSM Sport jáne dene shynyqtyrý isteri komıteti tóraǵasynyń orynbasary.
2021 jyly — «Qazaqstan kerlıng, edendegi kerlıng jáne petang federasıasy» RQB birinshi vıse-prezıdenti.
2021-2023 jyldary QR Mádenıet jáne sport mınıstriniń orynbasary qyzmetin atqarǵan.