Qazaqstandyqtar İshki ister mınıstrligine elektroskýterlerdi jalǵa berýge tyıym salýdy surap, petısıa joldady, dep habarlaıdy aqshamnews.kz
Petısıa avtorlary elektrosamokattardyń jaıaý júrginshiler úshin qaýipti jaǵdaı týǵyzatynyn jáne olardyń qozǵalysyna kedergi keltiretinin atap ótti. Olar bul máseleni sheshý úshin elektrosamokattardy jalǵa berý qyzmetine tyıym salýdy suraýda.
Jańa petısıa epetition.kz saıtynda jarıalandy. Onyń avtory bul qyzmettiń qaladaǵy qozǵalys tıimdiligin arttyrý, keptelisterdi azaıtý jáne kólik shyǵyndaryn tómendetý sekildi artyqshylyqtaryn atap ótedi.
Alaıda, elektrosamokattardyń qala kóshelerinde paıda bolýy Almatyda jaıaý júrginshilerdiń qozǵalysyn qaýipti jáne yńǵaısyz etkenin alǵa tartady.
Petısıada elektrosamokattardyń jaıaý júrginshiler aımaqtarymen júrýi, balalar men eresekterdiń qaýipsizdigin qaterge tigýi týraly jazylǵan. Avtordyń aıtýynsha, Almatyda bul jaǵdaıdy retteý sharalary jetkiliksiz bolyp otyr, tipti zańnamalyq ózgerister de áserin tıgizbegen.
Avtorlar Parıj qalasyndaǵy tájirıbeni mysalǵa keltirip, ol jaqta elektrosamokattardy jalǵa alýǵa tyıym salynǵanyn, sebebi bul qala turǵyndarynyń qaýipsizdigine zıan keltirgenin alǵa tartady.
Qazaqstandyqtar da osyǵan uqsas shara qabyldaý arqyly jaıaý júrginshilerdiń qaýipsizdigin qamtamasyz etýdi suraıdy.