2024 jyldyń 8 tamyzynda Semeı qalasynyń N2 soty Abaı aýdandyq polısıa departamenti Kóshi-qon qyzmeti basqarmasynyń bastyǵy Gúlvıra Dónenbaevaǵa qatysty úkim shyǵardy, dep habarlaıdy aqshamnews.kz
Dónenbaeva, sondaı-aq onyń áriptesteri erekshe tapsyrmalar jónindegi aǵa ınspektor R. Sadyqov pen ınspektor A. Nurahmetova para alǵany úshin sottaldy.
Dónenbaeva Nurahmetovany atqaratyn laýazymyna taǵaıyndaǵany úshin Sadyqov arqyly 1 000 AQSH dollary kóleminde para alǵany anyqtaldy.
Sot sheshimi boıynsha Dónenbaeva 4 jylǵa, Nurahmetova 3 jylǵa, Sadyqov 3 jyl 6 aıǵa bas bostandyǵynan aıyryldy. Sonymen qatar, sottalǵandar arnaýly ataqtarynan jáne memlekettik qyzmette, sondaı-aq kvazımemlekettik sektor sýbektilerinde laýazymdardy atqarý quqyǵynan aıyryldy.
Úkim zańdy kúshine áli engen joq.